Juan 6:26 - U Maganda A Baheta Ni Jesu-Cristo

²⁶ Timmábbeg ti Jesus nide, “U tatahoden, ehyukánnák moy bakán a dipo tu netan moy a makataka-taka, nan dipo nakakan kam tu tinapay sakay nabássog.

Juan 6:26 Σταυροειδείς Αναφορές

Juan 3:3

Timmábbeg ti Jesus, “Kagiyan ko niko u tatahoden: Awan ti maketa tu paghare nu Diyos maski ti deya man maliban a meenak a huway.”

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Juan 6:14

Nikuna a mapatunayan nu tolay hide u makataka-taka hide a ginimet ni Jesus ay kinagi de, “Siguradu a sadán iye u prupeta a pinaangay he ti munduwáy!”

Juan 6:15

Tukoy ni Jesus a plano nu tolay hide a pilitán siya a magin hare de. Kanya huway siya a limmakad hod sakay naggeessa a immangay tu buked.

Juan 6:2

Timmagubet nikuna u makpal a tolay dipo netan de u makataka-taka hide a ginimet na, u págpapiyya na tu te saket hide.

Juan 6:24

Nikuna a ketan nu tolay hide a awan dán hod ti Jesus sakay u disepulus na hide ay simmakay hide tu abang. Hod hide a immangay ti Capernaum para ehyukán ti Jesus.

Juan 6:30

Nagtanung be u tolay hide, “Ánya a kamakataka-taka u mepeta mo para maniwala kame niko?

Juan 6:36

Pero konna tu kinagi ko nikam, umád moy a maniwala nikán maskin netan moy dán u makataka-taka hide a ginimet ko.

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Juan 6:53

Kinagi ni Jesus nide, “Kagiyan ko nikam u tatahoden: Mentaras awan moy kanán u bággi nu Anak nu Tolay sakay inumán u dige na ay awan kam magkahod ti biyag a awan ti kahád.

Juan 6:64

Pero te sangan nikam a awan maniwala.” Kinagi iye ni Jesus dipo tukoy na a sapul pa ti sapul ni ti deya u awan hide maniwala sakay ni ti deya u mángtokyon nikuna.

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

Filipos 2:21

Dipo u agum ay awan ti iba a áisipán ni awan u sadile di la a kapiyyaan bakán a u para ni Jesu-Cristo.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

1 Timoteo 6:5

Gugusto na be a mákpágtabbegan tu tolay hide a madukás ti pággisipan sakay umád tu tatahoden. U akala de ay dilan u págsunud tu Diyos para yumaman.