Juan 6:2 - U Maganda A Baheta Ni Jesu-Cristo

² Timmagubet nikuna u makpal a tolay dipo netan de u makataka-taka hide a ginimet na, u págpapiyya na tu te saket hide.

Juan 6:2 Σταυροειδείς Αναφορές

Mateo 12:15

Pero tukoy ni Jesus u pinalano de kanya linakaden na itod a lugar. Makpal a tolay u umunonod nikuna sakay pinagpiyya na u atanan a te saket nide.

Mateo 13:2

Makpal a tolay u dinumulug nikuna kanya sinumakay siya tu abang. Inumetnod siya sakay nagtoldu tu katolayan a nágtaknág tu baybay.

Mateo 14:14

Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide.

Mateo 8:1

Nadid nikuna natapos dán ti Jesus a nagtoldu ay dinumegson siya tu badit a buked. Sakay inunonod siya nu makpal a tolay.

Markos 1:45

Pero limmakad siya sakay imbábbaheta na u nangyare, kanya awan dán makalantad ti Jesus a makasáddáp tu banuwan nan hod dálla siya tu adeyo hide a lugar. Pero maski konna hod ay umangay pade nikuna u tolay hide a gábwat tu iba-iba a lugar.

Markos 6:33

Pero makpal a naketa tu kállakad de sakay makatukoy ni hádya hide angayan. Kanya u tolay hide a gábwat tu iba-iba a banuwan ay nagginanan a patamo ti lugaran itod sakay nadipalonguwan dipa di Jesus.

Juan 11:47

Kanya impadulaw nu pinuno nu Saserdote hide, sakay nu Pariseo hide u atanan a mágkataas a miyemro nu Judio hide. Sakay nikuna a naipun dán hide ay kinagi de, “Ánya u gimitán tam? Makpal a makataka-taka u ginimet ni tolayan iye.

Juan 12:18

Kanya makpal u timmagbu ni Jesus dipo nabaheta de u ginimet na a makataka-taka a bagay.

Juan 12:37

Maski ni netan nu Judio hide u makpal a makataka-taka a ginimet ni Jesus ay awan pade hide maniwala nikuna.

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Juan 2:23

Nadid, tu Aldew nu Kasayaan nu Pagtaleb ti Jerusalem, makpal a simmampalataya ni Jesus nikuna ketan de u makataka-taka a ginimet na.

Juan 20:30

Nadid ay ginimet ni Jesus u makpal a makataka-taka tu atubang nu disepulus na hide. Pero awan hide nesulat ti libruwáy a iye.

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 6:14

Nikuna a mapatunayan nu tolay hide u makataka-taka hide a ginimet ni Jesus ay kinagi de, “Siguradu a sadán iye u prupeta a pinaangay he ti munduwáy!”

Juan 6:22

Nadid, tu kadimadimangan netan nu tolay hide a nawahak tu bihebi nu minalno a eessa la u abang a atoy hod. Tukoy de ati Jesus ay awan kaguman nu disepulus na hide nikuna iye hide ay simmakay tu abang nan hide la u limmakad.

Juan 6:26

Timmábbeg ti Jesus nide, “U tatahoden, ehyukánnák moy bakán a dipo tu netan moy a makataka-taka, nan dipo nakakan kam tu tinapay sakay nabássog.

Juan 6:30

Nagtanung be u tolay hide, “Ánya a kamakataka-taka u mepeta mo para maniwala kame niko?