Juan 5:42 - U Maganda A Baheta Ni Jesu-Cristo

⁴² Tukoy takam sakay tukoy ko a awan ti puso-puso moye u págmahal tu Diyos.

Juan 5:42 Σταυροειδείς Αναφορές

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Juan 2:25

Sakay awan dán siya kailangan a kagiyan tungkul tu tolay hide, dipo tukoy na ni ánya u katoy tu puso de.

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Juan 5:41

Sakay kinagi pa ni Jesus, “Awan ko hangadán u papure nu tolay hide.

Juan 5:43

Immangayák he tu pamamag-itan nu Ama ko, pero umáddák moy a tanggapán. Pero ni te iba a angay he magtoldu nikam ayun tu sadile na la a kagustuwan ay tanggapán moy siya.

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Juan 8:47

Dipo u anak nu Diyos ay mágsaneg tu Upos nu Diyos. Bakán kam a anak nu Diyos dipo awan kam mágsaneg tu upos nu Diyos.”

Juan 8:55

Pero awan moy siya tukoy, hikán ay tukoy ko siya. Ni kagiyán ko a awan ko siya kilala ay magin mabuliyák a konna nikam. Pero talaga kilala ko siya sakay sunudán ko u Upos na.

Roma 8:7

Dipo kalaban nu Diyos u deyaman a sumunud tu gusto nu makasalanan a pagkatolay, dipo umád na a sumunud tu Kautusan nu Diyos sakay talaga a awan na magimet a sumunud.

1 Juan 2:15

Dyan moy sunudán u makamundu a kákkabiyag nu tolay hide ti munduway oni u bagay hide a katoy tu mundu. U magmahal ti munduway ay awan magmahal tu Ama.

1 Juan 3:17

Ni ketan nu te anggen a tehhod a kailangan u kapatkákka na sakay awan na iye tinulungan ay kodya na a makagi a mahal na u Diyos?

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.