Juan 5:34 - U Maganda A Baheta Ni Jesu-Cristo

³⁴ Pero awan ko kailangan u patunay a gabwat tu tolay. Kinagi ko la iye para maniwala sakay maligtas kam.

Juan 5:34 Σταυροειδείς Αναφορές

Lukas 13:34

Hikam a taga-Jerusalem hide, binábbuno moy u prupeta hide sakay binábbatikal moy u pinaangay hide nu Diyos a magtoldu nikam! Pumensangan takamon a gusto a lákkáppan a konna tu páglákkáp nu manok tu sepsep na hide, pero umád kam.

Lukas 19:10

Dipo u Anak nu Tolay ay immangay he tánni ehyukán sakay iligtas u nágketawtaw hide.”

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 5:32

pero te agum a mángpatunay tungkul nikán, sakay tatahoden u kinagi na.

Juan 5:41

Sakay kinagi pa ni Jesus, “Awan ko hangadán u papure nu tolay hide.

Juan 8:54

Kinagi ni Jesus nide, “Ni hikán la u mánglangkaw tu sadile ko, awan iye ti kabuluhan. Pero u Ama, a kinagi moy a Diyos moy u mánglangkaw nikán.

Roma 10:1

Kákkapatkákka ko hide, u gugusto ko a mangyare sakay u dasal ko tu Diyos ay u kaligtasan nu kalahe ko hide a Judio.

Roma 10:21

Pero tungkul dámman tu Israel, iye u kinagi nu Diyos: “Tu buo a maghapun ay palagiyák a mágdadulawán sakay maguhay tu essa a banuwan a maigát ti pággisipan sakay masássuwayán.”

Roma 12:21

Dyan kam magpatalo tu madukás ni awan taluwán moy u madukás tu pamamag-itan nu pággimet ti maganda.

Roma 3:3

Maski ni awan maniwala u sangan nide tu pananto nu Diyos, u gusto na beman a kagiyán ay awan dán tapat u Diyos tu págtupad na tu pananto na hide?

1 Corinto 9:22

Ni hikán ay hod tu mágkahina hide ti pánnampalataya ay mákbagayák para mapabegsák ko hide ni Cristo. Nákbagayák tu atanan a tolay, tánni maskin tu ánya a paraan ay maakit ko u agum nide a sumampalataya ni Jesu-Cristo para maligtas hide.

1 Timoteo 4:16

Bantayan mo u sadile mo sakay u págtoldu mo. Magtiyaga ka a magtulos-tulos a gimitán iye hide a bagay, tánni maligtas ka sakay u atanan nu nágsaneg niko.

1 Juan 5:9

Ni maniwala kitam tu págpatunay nu tolay hide, ay dapat mas paniwalaan tam u págpatunay nu Diyos. Dipo siya mismo u nangatád ti tálluwan iye a patunay tungkul tu Anak na.