Juan 5:28 - U Maganda A Baheta Ni Jesu-Cristo

²⁸ Diyan moy iye pagtakaan, dipo dumemát u odas a masaneg nu patay hide u boses na.

Juan 5:28 Σταυροειδείς Αναφορές

Juan 3:7

Kanya dyan ka magtaka tu kinagi ko niko dipo atanan ay kailangan a meenak a huway.

Juan 4:21

Kinagi ni Jesus nikuna, “Maniwala ka nikán, dumemát dán u panahun a awan kamon sumamba tu Ama ti bukidáy a iye oni ti Jerusalem.

Juan 4:23

Pero, dumemát dán u panahun sakay nadid dán ngane, autunay a pagsamba nu tolay tu Diyos a Ama ay pagsamba agabwat tu malinis a kaisipan sakay ayun tu tatahoden. Dipo konna he a kássamba u ehyukán nu Ama.

Juan 5:20

Dipo mahal nu Ama u Anak, kaya ipeta na tu Anak u atanan a gimitán na. Mas pa ti iye u ipeta nikuna nu Ama a gimitan na, a pagtakaan moy ti husto.

Juan 5:25

Pakatandaan moy iye, dumemát u odas, nadid dán ngane, a masaneg nu patay hide u boses nu Anak nu Diyos, sakay u mágsaneg nikuna ay mabiyag.

Gimet 24:15

Konna nide, sumampalatayaák tu Diyos a huway na a biyagán u atanan a tolay, matuwid oni awan matuwid.

Gimet 3:12

Pákketa ni Pedro tu tolay hide ay kinagi na, “Israelita hide, bakin magtaka kam ti iye a nangyare? Bakin ilingan moy kame ti konna hina? Akala moy beman ni napaglakad me siya tu pamamag-itan nu sadile mila a kapangyariyan oni dipo tu kabanalan me?

1 Corinto 15:22

Dipo ni kodya a matay u atanan dipo hide ay lahe ni Adan, ay mabiyag be u atanan dipo tu pákpágkaessa de ni Cristo.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

Pahayag 20:12

Sakay netan ko a mágtaknág u nágkatay hide tu atubang nu trono, mágkataas man oni mágkababa. Sakay binuklat u libro hide, pati be u libro a listaan nu tolay hide a inatádden ti biyag a awan ti kahád. Hinatulan u nágkatay hide ayun tu ginimet de mentras biyag hide, konna tu nágkesulat tu libro hide.