Juan 5:26 - U Maganda A Baheta Ni Jesu-Cristo

²⁶ U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 5:26 Σταυροειδείς Αναφορές

Juan 1:4

Hod nikuna u biyag, sakay u biyag a iye u mangatád ti demlag tu isip nu tolay.

Juan 10:18

Awan ti makaalap tu biyag ko, ni awan inkusa ko iye a inyatád. Tehhodák a karapatan a iyatád iye, sakay alapán iye a huway. Iye u inyutus nikán nama ko.”

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Juan 11:26

U deyaman a biyag sakay maniwala nikán ay awan matay hanggan-hanggan. Maniwala ka beman ti iye, Marta?”

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 6:57

U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Juan 8:51

Kagiyan ko nikam u tatahoden: U deyaman a mangtupad tu toldu ko ay awan mata-matay.”

Gimet 17:25

Awan siya mangailangan ti ánya man a tulung nu tolay, nan siya u nangatád ti biyag, angás sakay atanan a bagay tu atanan a tolay.

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

1 Timoteo 6:16

Siya la u awan mata-matay, sakay mágyan tu demlag a awan maláttángngan. Awan ti tolay a naketa oni maketa nikuna. Kao na u karangalan sakay u awan ti katapusan a kapangyariyan. Amen.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.

Pahayag 7:17

Dipo u Tupa a katoy tu bállog nu trono u magin tagapag-alaga de. Iyangay na hide tu bukal a makapangatád ti biyag; sakay pahidán nu Diyos u luwa tu mata de, dipo awan dán ti dahilan para malungkut hide.”