Juan 5:20 - U Maganda A Baheta Ni Jesu-Cristo

²⁰ Dipo mahal nu Ama u Anak, kaya ipeta na tu Anak u atanan a gimitán na. Mas pa ti iye u ipeta nikuna nu Ama a gimitan na, a pagtakaan moy ti husto.

Juan 5:20 Σταυροειδείς Αναφορές

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Mateo 4:8

Káttapos ay inyangay dámman siya ni Satanas tu toktok nu essa a malangkaw a buked sakay impeta na nikuna u atanan a babansa ti munduway sakay u kayamanan de.

Lukas 10:22

Sakay kinagi na nide, “Inyatád dán nikán nu Ama ko u atanan a bagay. Awan ti makatukoy ni deya u Anak ni awan la u Ama. Sakay awan ti makatukoy tu Ama ni awan u Anak la, sakay u pinile hide nu Anak a pángpakapospusan na tungkul nikuna.”

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 10:32

Pero kinagi nide ni Jesus, “Impeta ko nikam u makpal a mágkaganda a gimet a impagimet nikán nu Ama. Hádya ti iye hide u dahilan para batikalánnák moy?”

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Juan 15:15

Awan takamon ibilang a alipin, dipo awan tukoy nu alipin ni ánya u gággimitán nu amo na. Nan, inturing takamon a amigu ko, dipo kagiyán ko nikam u atanan a nasaneg ko tu Ama.

Juan 17:26

Inpatengge taka nide, sakay tulos-tulos ko iye a gimitán para u págmahal mo nikán ay hod be nide sakay hikán be ay hod nide.”

Juan 3:35

Mahal a tahod nu Diyos u Anak na, sakay impabahala na nikuna u atanan a bagay tu kapangyariyan na.

Juan 5:21

Ni kodya a biyagán nu Ama u patay hide ay konna bi hod a biyagán nu Anak u deyaman a gusto na a biyagán.

Juan 5:25

Pakatandaan moy iye, dumemát u odas, nadid dán ngane, a masaneg nu patay hide u boses nu Anak nu Diyos, sakay u mágsaneg nikuna ay mabiyag.

Juan 5:29

Mabiyag hide a huway sakay lumuwas hide tu nelábbángngan de. Atanan a naggimet ti maganda ay magkahod ti biyag a awan ti kahád. Pero atanan a naggimet ti madukás ay mahatulan sakay maparusaan.”

2 Pedro 1:17

Dipo nikuna a parangalan sakay papuriyan nu Diyos Ama ti Jesu-Cristo, ay nasaneg me u boses nu Makapangyariyan a Diyos a nagupos, “Iye u pinakamahal ko a anak, sakay masayaák nikuna a tahod.”