Juan 4:23 - U Maganda A Baheta Ni Jesu-Cristo

²³ Pero, dumemát dán u panahun sakay nadid dán ngane, autunay a pagsamba nu tolay tu Diyos a Ama ay pagsamba agabwat tu malinis a kaisipan sakay ayun tu tatahoden. Dipo konna he a kássamba u ehyukán nu Ama.

Juan 4:23 Σταυροειδείς Αναφορές

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 12:23

Timmábbeg ti Jesus nide, “Dummemát dán u odas para parangalan u Anak nu Tolay.

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Juan 16:32

Pero dumemát u odas a mamághiwewalay kam sakay magsoliyan tu bila-bilay moy, sakay iwahakák moy a mággeessa. Pero maski konna hod ay te kagumanák pade dipo kaguman ko u Ama.

Juan 4:21

Kinagi ni Jesus nikuna, “Maniwala ka nikán, dumemát dán u panahun a awan kamon sumamba tu Ama ti bukidáy a iye oni ti Jerusalem.

Juan 5:25

Pakatandaan moy iye, dumemát u odas, nadid dán ngane, a masaneg nu patay hide u boses nu Anak nu Diyos, sakay u mágsaneg nikuna ay mabiyag.

Juan 5:28

Diyan moy iye pagtakaan, dipo dumemát u odas a masaneg nu patay hide u boses na.

Roma 1:9

Dipo tukoy nu Diyos a pagserbiyan ko ti buo a puso, tu pángngaral ko tu Maganda a Baheta tungkul tu Anak, na a palagi takam a idáddasal.

Roma 8:15

Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

Roma 8:26

Sakay tulungan kitam nu Banal a Ispirito tu kahinaan tam. Awan tam tukoy ni kodya kitam a magdasal, kanya u Ispirito u mamagitan nikitam tu Diyos tu paraan a awan tam kaya a ikagi.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.