Juan 4:22 - U Maganda A Baheta Ni Jesu-Cristo

²² Hikam a Samaritano hide ay awan moy tukoy u sambaan moy. Pero tukoy me a Judio hide u sambaán me, dipo gábwat tu lahe a Judio u kaligtasan.

Juan 4:22 Σταυροειδείς Αναφορές

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Gimet 17:23

Dipo tu páglalebut ko ti banuwan moyáy ay neilingan ko tu lugar hide a págdasalan moy u essa a altar a nakasulat u konna he, ‘Tu Diyos a awan matengge.’ U Diyos a awan moy matengge a páppuriyán moy ay siya u ipáppangaral ko nikam.

Gimet 17:30

Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

Gimet 3:26

Kanya pinaangay he nu Diyos u pinili na a Tagapagserbi, dipalongo nikitam a Judio para pagpalaán na kitam sakay tulungan na kitam a umadág tu madukás tam a kákkabiyag.”

Roma 11:18

Pero dyan kam magmadakál a magisip a masmabait kam kasera tu pinget hide a kináttol. Alalahanán moy a pinget kam la, bakán a hikam u mangbiyag tu gimot ni awan u gimot u mangbiyag nikam.

Hebreo 7:14

Dipo tukoy nu atanan a tolay a gábwat tu lahe ni Juda u Panginoon tam. Sakay awan nabanggit ni Moises u lahe a itod nikuna a kagiyán na u tungkul tu saserdote hide.