Juan 3:27 - U Maganda A Baheta Ni Jesu-Cristo

²⁷ Timmábbeg ti Juan, “Awan ti magimet u tolay ni awan ipakultad nu Diyos.

Juan 3:27 Σταυροειδείς Αναφορές

Mateo 21:25

Deya u nangatád ti kapangyariyan ni Juan para magbawtismo, u Diyos beman oni u tolay?” Sakay namágguhon hide “Ni kagiyan tam a gábwat tu Diyos, ay kagiyan na bi nikitam, ‘Bakin awan moy siya pinaniwalaan?’

Mateo 25:15

Inatádden na ti pilak u kada essa ayon tu kanya-kanya na a kakayahan: inatádden na u essa ti limma a libo a piso, u essa be ay duwwa a libo sakay u essa be ay essa a libo Káttapos ay hinumektat siya.

Markos 13:34

Iye ay maare tam a ipareho tu essa a tolay a umangay tu adeyo a lugar: bagu siya a lumakad tu bilay na ay inatádden na u bawat essa tu utusan na hide ti tarabaho, sakay kinagiyan na u tagabantay tu pintuwan a dapat lagi a handa tu káddemát na.

Juan 10:41

sakay makpal a tolay u immangay hod nikuna. Kinagi de, “Maski ni pumensan ay awan naggimet ti makataka-taka ti Juan, pero atanan nu kinagi na tungkul ti tolayan iye ay tatahoden.”

Juan 6:65

Indagdag pa a kinagi ni Jesus, “Iye u dahilan ni bakin kinagi ko nikam a awan ti makaadene nikán liban ni kagustuwan nu Ama ko.”

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 12:6

Iba-iba u kakayanan a inyatád nikitam nu Diyos ayun tu habag na, kanya gamitán tam i kaluuban ina hide. Ni u kaluub nu essa a tolay ay págpahayag tu upos nu Diyos, kailangan ipahayag na iye ayun tu pánnampalataya na.

1 Corinto 1:1

Gábwat iye a sulat nikán a ti Pablo a dinulaw ayun tu kaluuban nu Diyos tán magin apostol ni Cristo Jesus. Sakay gábwat be tu kapátkákka tam a ti Sostenes.

1 Corinto 12:11

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 3:5

Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

Galacia 1:1

Iye a sulat ay gábwat nikán a ti Pablo, a pinile a apostol bakán a gábwat tu tolay oni tu pamamag-itan nu tolay, nan ti Jesu-Cristo sakay tu Diyos Ama a huway a nangbiyag ni Jesus.

Efeso 1:1

Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.