Juan 21:22 - U Maganda A Baheta Ni Jesu-Cristo

²² Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

Juan 21:22 Σταυροειδείς Αναφορές

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 24:27

Dipo ni kodya magdemlag u kilat ni magginan gábwat ti sikatan hanggan ti sahámman ay konna labe hod u káddemát nu Anak nu Tolay. Ketan nu atanan sakay bigla.

Mateo 24:3

Káttapos immangay ti Jesus tu Buked nu Olibo. Alay na hod a keetnod, sekreto siya a tinanong nu disepulus na hide, “Nikan beman a mangyari i bagayan ina hide? Anya u magin palatandaan nu kássoli mo a huway sakay u katapusan nu mundo?”

Mateo 24:44

Kaya magin handa kam a pirmi dipo dumemát u Anak nu Tolay tu panahon a awan moy asaan.”

Mateo 25:31

Sakay kinagi pa ni Jesus “Dumemát u Anak nu Tolay bilang Hari, kaguman na u atanan a anghel. Sakay maghare siya tu atanan.

Mateo 8:22

Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Markos 9:1

Kinagi pa ni Jesus nide, “Tandaan moy, tehhod a sangan he nikam a awan matay hanggan a awan de ketan u pághare nu Diyos a tehhod a kapangyariyan.”

Juan 21:19

Kinagi iye ni Jesus para ipaliwanag na ni Pedro ni kodya siya a matay, sakay ni kodya na a maparangalan u Diyos. Kanya kinagi ni Jesus ni Pedro, “Ahiganák mo.”

Juan 21:21

Nikuna a ketan siya ni Pedro ay tinanung na ti Jesus, “Panginoon, ánya be i mangyariyay nikuna?”

1 Corinto 11:26

Dipo kada mamággipun-ipun kam para kuman ti tinapay sakay uminom tu baso ay ipakapos-pos moy tu tolay hide u kákkatay nu Panginoon, hanggan tu kássole na a huway.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

1 Tesalonica 2:19

Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

Santiagu 5:7

Kákkapatkákka ko hide, magtiyaga kam be a maguhay tu káddemát nu Panginoon. Konna tu mágmula a nagtiyaga a maguhay tu uden sakay tu págbunga nu mula na hide.

Santiagu 5:8

Konna labe nikitam, dapat kitam be a magtiyaga sakay begsákkan tam u isip tam dipo adene dán a dumemát u Panginoon.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 2:25

Pero dapat kam a magtulos-tulos a tapat nikán hanggan tu káddemát ko.

Pahayag 22:20

Kinagi nu Panginoon Jesus a nagpahayag ti atananan iye, “Tatahoden! Pademátták dán!” Amen. Dumemát ka dán nakwa, Panginoon Jesus!

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.