Juan 21:19 - U Maganda A Baheta Ni Jesu-Cristo

¹⁹ Kinagi iye ni Jesus para ipaliwanag na ni Pedro ni kodya siya a matay, sakay ni kodya na a maparangalan u Diyos. Kanya kinagi ni Jesus ni Pedro, “Ahiganák mo.”

Juan 21:19 Σταυροειδείς Αναφορές

Mateo 10:38

Sakay ni ti deya be u awan makatággád tu kahirapan tu kássunud nikán ay awan karapatdapat a magin disepulus ko.

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 8:22

Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Juan 12:33

Kinagi iye ni Jesus para ipaliwanag na nide ni kodya siya a matay.

Juan 18:32

Nangyari iye para matupad u kinagi ni Jesus, tungkul tu kákkatay na a danasán na.

Juan 21:18

Kinagi ni Jesus, “Pakatandaan mo, nikuna anak ka palla ay hiko mismo u mangbadu tu sadile mo, sakay umangay ka la maski hádya gusto mo. Pero tu káttanda mo ay iyolnat mola i kamát muwe hide sakay iba dán u mangbadu niko, sakay iyangay na ka tu lugar a awan mo gusto.”

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

2 Pedro 1:14

Dipo tukoy ko a awanák dán magmalay ti munduwáy, u Panginoon tamon a ti Jesu-Cristo a mismo i nángpabatiyay nikán.