Juan 21:15 - U Maganda A Baheta Ni Jesu-Cristo

¹⁵ Nikuna a matapos dán hide a magaramusal ay kinagi ni Jesus ni Simon Pedro, “Simon a anak ni Juan, mahalák mu beman a higit tu págmahal de?” Timmábbeg ti Pedro, “On, Panginoon, tukoy mo a mahal taka.” Kinagi ni Jesus, “Pakanán mo u tupa ko hide.”

Juan 21:15 Σταυροειδείς Αναφορές

Mateo 10:37

Ni ti deya u mas magmahal tu ama na sakay tu ina na nan nikán ay awan karapatdapat a magin disepulus ko. Sakay ni ti deya be u mas magmahal tu anak na hide nan nikán ay awan karapatdapat a magin disepulus ko.

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Mateo 18:10

Kinagi pa ni Jesus “Magingat kam a dyan moy hamakán u essa nu badit a iye hide. Kagiyan ko nikam: ti langit, u anghel di hide ay pirmi a atoy tu atubang nu Ama ko.

Mateo 26:33

Timmábbeg ti Pedro, “Maski ginanan ka nu atanan ay awan ta ka ginanan.”

Mateo 26:35

Pero kinagi ni Pedro, “Maski ni bunuwanák de ay awan ta ka ipamen.” Sakay kona labe hod u kinagi nu agum a disepulus na hide.

Markos 14:29

Kinagi ni Pedro ni Jesus, “Maski ni lakaden ka nu atanan ay awan taka lakaden.”

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Lukas 22:32

Pero indaddasal taka a awan manghina u pánnampalataya mo. Ipamenák mo pero pagsisiyan mo labe, kaya gusto ko a tulungan mo u kakagumanan mo hide tánni bumegsák u pánnamplataya de.”

Juan 1:42

Ingkuyog na ti Simon tu kán Jesus. Sakay nikuna a makademát hide tu kán Jesus ay inileng ni Jesus ti Simon sakay kinagi na, “Hiko ti Simon a anak ni Juan, pero sapul nadid ay dulawán ka dán a Cefas.” (U Cefas ay kapareho labe nu ngahan a Pedro, a ugusto na akagiyan ay bito.)

Juan 13:37

Nagtanung pa ti Pedro, “Panginoon, bakin a awanák maare a mákkuyog niko nadid? Handaák la be a matay para niko.”

Juan 16:27

Dipo mahal kam nu Ama, dipo minahalák moy sakay naniwala kam a gábwaták tu Diyos.

Juan 21:12

Kinagi ni Jesus nide, “Magaramusal kitam pa.” Pero maski ni essa tu disepulus hide ay awan ti nagtanung ni Jesus ni ti deya siya. Tukoy de a siya u Panginoon.

Juan 21:7

Kinagi nu disepulus a mahal ni Jesus ni Pedro, “U Panginoon itod!” Nikuna a masaneg iye ni Pedro ay insulot na u damit na a ineklas na, simmegbu siya tu dinom, sakay nagnangoy a patamo tu digdig.

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 20:29

Tukoy ko a tu kállakad ko ay makpal a magdemáttan a mágkatapang a aso a mangubus tu katupaan.

Roma 14:1

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

1 Corinto 8:11

U ginimet mo a itod u nagin dahilan nu págkasala nu kapatkákka moy a mahina palla ti pánnampalataya. A natubos be tu kákkatay ni Cristo.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Efeso 6:24

Pagpalaán nakwa nu Panginoon a ti Jesu-Cristo u atanan a magmahal nikuna ti tapat.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Hebreo 4:13

Awan ti metagu tu Diyos, áelingán na a atanan. Sakay tábbegan tam nikuna u atanan a ginimet tam.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

1 Pedro 2:25

Dipo kumán kam a tupa a nágketawtaw pero nadid ay inipun kamon a huway nu Diyos tu pamamag-itan ni Jesus a pastol tam a mággalaga tu kaliduwwa tam.

1 Juan 4:19

Magmahal kitam dipo u Diyos u dipalongo a nagmahal nikitam.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.