Juan 20:25 - U Maganda A Baheta Ni Jesu-Cristo

²⁵ Kanya imbaheta de nikuna a netan de u Panginoon. Pero timmábbeg siya nide, “Awanák maniwala mentaras a awan ko ketan u talingo nu pako hide tu kamát na, sakay mesáddáp u kamát ko tu talingo na hide tu hawes na.”

Juan 20:25 Σταυροειδείς Αναφορές

Mateo 27:42

“Inligtas na u agum pero u sadili na ay awan na meligtas! Awan beman siya u Hari ti Israel? Ni umogsad la siya nadid tu kudus ay maniwala kami nikuna!

Markos 16:11

Pero awan hide maniwala tu baheta na a biyag ti Jesus sakay pimmeta nikuna.]

Markos 16:13

Simmole hide tu kakagumanan de hide sakay imbaheta de nide u nangyare, pero umád de a maniwala.

Markos 16:14

Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.

Lukas 24:25

Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide?

Juan 1:41

Kanya tu kadimadimangan ay inehyok a agad ni Andres u kapatkákka na a ti Simon sakay kinagi na nikuna, “Netan me u Mesias.” (U gusto a kagiyán ni iye a upos ay Cristo.)

Juan 20:27

Kinagi ni Jesus ni Tomas, “Ilingán mo i kamát kuwáy hide sakay tawiden mo. Isáddáp mo be ikamát muwe ti hawes kuwáy. Diyan ka magalanganin; maniwala ka dán.”

Juan 21:7

Kinagi nu disepulus a mahal ni Jesus ni Pedro, “U Panginoon itod!” Nikuna a masaneg iye ni Pedro ay insulot na u damit na a ineklas na, simmegbu siya tu dinom, sakay nagnangoy a patamo tu digdig.

Juan 6:30

Nagtanung be u tolay hide, “Ánya a kamakataka-taka u mepeta mo para maniwala kame niko?

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Hebreo 3:18

Sakay ti deya u kinagiyan a, “Awan hide makasáddáp tu páppágyanan na sakay makaimang” Awan beman u masássuwayán hide?