Juan 20:2 - U Maganda A Baheta Ni Jesu-Cristo

² Kanya nagginan a sole ti Maria a immangay tu kán Simon Pedro sakay tu disepulus a mahal ni Jesus. Káddemát na ay kinagi na nide, “Inalap de u Panginoon tu páglábbángngan sakay awan mi dán tukoy ni hádya de a inyangay.”

Juan 20:2 Σταυροειδείς Αναφορές

Juan 13:23

Ti itod be ay kadatig ni Jesus u pinakamamahal na a disepulus.

Juan 19:26

Nikuna a ketan ni Jesus a mágtaknág hod tena na sakay kasadát na u pinakamamahal na a disepulus ay kinagi na nena na, “Ináng, ináng ibilang mo siya a kumán a sadile mo a anak!”

Juan 20:13

Tinanung de ti Maria, “Bakin a magsanget ka?” Timmábbeg siya, “Te nangalap tu Panginoon ko, awan ko tukoy ni hádya de a inyangay.”

Juan 20:15

“Bakin magsanget ka?” Kagi nikuna ni Jesus. “Ti deya u ehyukán mo?” Tu buung akala na a siya u magmula hod ay timmabbeg ti Maria, “Maisto, ni inalap mo u bangkay nu Panginoon ko, itoldu mo nikán ni hadya mo a inyangay ta alapán ko siya.”

Juan 20:9

Dipo awan di palla naintendiyan u nakasulat tu Kasulatan a kailangan talaga mabiyag a huway ti Jesus.

Juan 21:20

Nadid ay simmuleg ti Pedro sakay netan na a umusoseg nide u disepulus a mahal ni Jesus. Siya u disepulus a mágsandig ni Jesus nikuna mangapon hide, sakay siya u nagtanung ni Jesus ni ti deya u mángtokyon nikuna.

Juan 21:24

Hikán u disepulus a mangpatunay ti bagayan iye hide. Sakay u insulat ko hide ay u mismo a netan ko. Kanya tukoy ko a tatahoden u kagiyán ko.

Juan 21:7

Kinagi nu disepulus a mahal ni Jesus ni Pedro, “U Panginoon itod!” Nikuna a masaneg iye ni Pedro ay insulot na u damit na a ineklas na, simmegbu siya tu dinom, sakay nagnangoy a patamo tu digdig.