Juan 20:19 - U Maganda A Baheta Ni Jesu-Cristo

¹⁹ Nadid, nikuna a gibi dán ti aldiwan itod nu Simba ay naipun u disepulus hide ni Jesus. Ingkandadu de u pintuwan hide dipo tu ánteng de tu pinuno nu Judio hide. Bigla a dimmemát ti Jesus sakay timmaknág tu bállog de, sakay kinagi na, “Magkahod kam nakwa ti kapayapaan.”

Juan 20:19 Σταυροειδείς Αναφορές

Mateo 10:13

Ni awan karapatdapat u mágyan hod ay bawiyán moy u bati moy pero ni karapatdapat hide ay dyan moy bawiyán.

Mateo 18:20

Dipo ni te duwwa o tállo a nagipon-ipon dipo nikán ay hoddák a kaguman de.”

Markos 16:14

Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:22

Konna kam bi hod. Malungkut kam nadid, pero masaya kam tu aldew a mamágketa kitam a huway. Sakay awan ti maskin ti deya a makaagew tu kasayaan moy.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 20:21

Kinagi a huway ni Jesus iye, “Magkahod kam nakwa ti kapayapaan. Ni kodyaák he a pinaangay nu Ama ay konna be hod a suguwan takam.”

Juan 20:26

Kállipas nu walo a aldew ay huway a naipun u disepulus hide ni Jesus tu disalad nu bilay. Kaguman di dán hod ti Tomas. Pero maski ni nakakandadu u pintuwan hide ay dimmemát ti Jesus sakay timmaknág tu bállog de, sakay kinagi na, “Magkahod kam ti kapayapaan.”

Juan 21:1

Nadid, káttapos ni itoday hide a pangyayare ay pimmeta dámman ti Jesus tu disepulus na hide tu minalno nu Tiberias. Konna he u nangyare:

Juan 21:14

Iyedán u katállo a beses a káppeta ni Jesus tu disepulus na hide káttapos na a nabiyag a huway.

Juan 7:13

Pero awan ti nagupos tungkul nikuna ti bulgaran, dipo tu ánteng de tu puno nu Judio hide.

Roma 15:33

Tulungan kam nakwa nu Diyos a mangatád ti kapayapaan. Amen.

1 Corinto 15:5

Sakay pummeta siya ni Pedro, sakay tu sapulo ay ti duwwa a apostol.

Efeso 2:14

Tu pamamag-itan nu kákkatay na ay pinagkasundu na kitam, hikame a Judio hide sakay hikam a Hentil hide ay pinagessa na. Inibutan na u iyamut a kumán a pader a nánghiwalay nikitam.

Efeso 6:23

Kákkapatkákka ko hide, nakwa ay atádden kam nu Diyos Ama sakay tu Panginoon tam ati Jesu-Cristo ti kapayapaan, págmahal tu balang essa sakay pánnampalataya moy nikuna.

Filipos 1:2

Nakwa ay atádden kam nu Diyos Ama sakay tu Panginoon tam ati Jesu-Cristo ti kapayapaan, sakay pagpapala.

2 Tesalonica 3:16

U Panginoon tam a naggábwatan nu kapayapaan ay siya nakwa u mangatád nikam ti kapayapaan tu atanan a pagkakataun. Nakwa ay pirme kam a aguman nu Panginoon.

Hebreo 7:2

Inyatád nikuna ni Abraham u ikapo nu atanan a naalap na tu gera. (U purumero a kahulugan nu ngahan ni Melquisedek ay, “Hare a Matuwid.” Sakay hare be siya ni Salem, a u gusto na a kagiyán ay “Hare ni kapayapaan.”)

3 Juan 1:14

Umasaák a awan dán magmalay ay magketa kita sakay magkauhon.

Pahayag 1:4

Iye ay gábwat nikán a ti Juan: U sulat ko a iye ay para nikam a pitto a grupo nu mánnampalataya hide ni Cristo a mamaggipun-ipun tu pitto a banuwan ti Asia. Magkahod kam nakwa ti kapayapaan sakay págpapala a gábwat tu Diyos. Diyos tu kasalukuyan, Diyos tu nakalipas, sakay Diyos tu pademát. Sakay gábwat tu Ispirito a te pitto a gawain, a katoy tu atubang nu trono na.