Juan 2:23 - U Maganda A Baheta Ni Jesu-Cristo

²³ Nadid, tu Aldew nu Kasayaan nu Pagtaleb ti Jerusalem, makpal a simmampalataya ni Jesus nikuna ketan de u makataka-taka a ginimet na.

Juan 2:23 Σταυροειδείς Αναφορές

Lukas 8:13

U nesabug a bine tu bito-bito hide ay u tolay hide a nágsaneg sakay masaya de a tinanggap u upos nu Diyos. Pero awan tatahoden u págtanggap de tu puso de, kaya awan nagnalay u pánnampalataya de. Tu káddemát nu pagsubuk tu biyag de ay pagdaka hide a summina.

Juan 11:45

Kanya makpal tu Judio hide a kaguman ni Maria u naniwala nikuna dipo tu netan de a ginimet ni Jesus.

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Juan 2:13

Nadid, káddemát nu Kasayaan nu Káttaleb nu Judio hide ay immangay di Jesus ti Jerusalem.

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 4:45

Nikuna a dimmemát siya ti Galilea ay masaya siya a tinanggap nu tolay hide, dipo hod hide a mismo ti Jerusalem tu Aldew nu Kasayaan nu Págtaleb nu Anghel. Sakay netan de u atanan a ginimet ni Jesus ti itod.

Juan 5:36

Pero tehhod a mángpatunay tungkul nikán a mas higit tu patunay ni Juan, u gimet hide a ipagimet nikán nu Ama, sakay siya be u gággimitán ko. Ina u mangpatunay a pinaangayák na he.

Juan 6:14

Nikuna a mapatunayan nu tolay hide u makataka-taka hide a ginimet ni Jesus ay kinagi de, “Siguradu a sadán iye u prupeta a pinaangay he ti munduwáy!”

Juan 6:2

Timmagubet nikuna u makpal a tolay dipo netan de u makataka-taka hide a ginimet na, u págpapiyya na tu te saket hide.

Juan 7:31

Sakay makpal a tolay u naniwala nikuna. Kinagi de, “Siya dán u Tagapagligtas, dipo awan ti agum a makagimet tu makataka-taka hide a ginimet na.”

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.