Juan 2:19 - U Maganda A Baheta Ni Jesu-Cristo

¹⁹ Tinábbeg hide ni Jesus, “Hábbaán moy i templowáy a iye, sakay tu alay nu tállo a aldew ay pataknággán ko a huway.”

Juan 2:19 Σταυροειδείς Αναφορές

Mateo 12:40

Konna ni Jonas a tállo a aldew sakay gibi a hod tu disalad nu tiyan nu dakál a tahod a ikan, ay hikán a Anak nu Tolay ay tállo be a aldew sakay gibi tu disalad nu luta.

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

Mateo 27:40

nagkagi, “Awan beman hiko u mángsida tu templo sakay kagi mo a huway mo gimetan itod tu loob nu tállo a aldew? Kaya iligtas mo nadid u sadili mo! Ni hiko talaga u Anak nu Diyos, umogsad ka hina tu kudus!”

Mateo 27:63

Kinagi de nikuna, “Mahal mi a gobernador, naalala mi a kinagi nu mapagkunware an itod nikuna a biyag padla siya a huway siya mabiyag kállipas nu tállo a aldew.

Markos 14:58

“Nasaneg me a kinagi na, ‘Hábbaán ko u Templo a ginimet ni tolay, pero tu alay nu tállo a aldew ay maggimiták ti bigu a Templo a awan magimet ni tolay.’”

Markos 15:29

Nadid, u magtaleb hod hide ay áinsultuwán de ti Jesus, kinagi de, “Hala! Hiko bál u manghábba tu Templo, sakay ipataknág mo a huway tu alay nu tállo a aldew?

Markos 8:31

Nadid ay nagsapul a nangaral ti Jesus tu disepulus na hide a siya u, Anak nu Tolay a kailangan a magdanas ti makpal a hirap. Umádden siya nu puno hide nu Judio hide, sakay u puno nu Saserdote hide sakay tu tagapagtoldu hide tu Kautusan. Ipabuno di siya pero tu katállo a aldew ay mabiyag siya a huway.

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Gimet 2:24

Pero nadid ay biniyag siya a huway nu Diyos sakay inibutan na u kapangyariyan nu kamatayan nikuna dipo awan maare a maghare nikuna u kamatayan.

Gimet 2:32

Iye ay ti Jesus a biniyag nu Diyos a huway, napatunayan me a nabiyag siya a huway dipo netan me.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

Gimet 3:26

Kanya pinaangay he nu Diyos u pinili na a Tagapagserbi, dipalongo nikitam a Judio para pagpalaán na kitam sakay tulungan na kitam a umadág tu madukás tam a kákkabiyag.”

Gimet 6:14

Nasaneg me a kinagi ni Jesus a taga-Nazaret a sidaán na u Templo, sakay palitan na u kaugalian a inpamana nikitam ni Moises.”

Roma 4:24

nan para be nikitam. Nebilang kitam a awan ti kasalanan dipo tu pánnampalataya tam tu Diyos a nangbiyag a huway tu Panginoon tam a ti Jesus.

Roma 6:4

Kanya nikuna a nabawtismuwan kitam, nelábbáng kitam a kaguman ni Cristo tánni makaguman na kitam be a mabiyag. Kanya ni kodya a nabiyag ti Cristo tu pamamag-itan nu dakila a kapangyariyan nu Ama, hikitam be ay mabiyag tu bigu a biyag.

Roma 8:11

Sakay dipo mágyan dán nikam u Ispirito nu Diyos a nangbiyag a huway ni Jesu-Cristo, itod be a Diyos u mangatád ti biyag tu bággi moy a te kamatayan tu pamamag-itan nu Ispirito nu Diyos a mágyan nikam.

1 Corinto 15:12

Nadid, ni ipáppangaral me nikam a nabiyag a huway ti Cristo, bakin a kákkagiyán nu agum nikam a awan mabiyag a huway u nágkatay hide?

Colosas 2:12

Sakay nikuna mabawtismuwan kamon, ay kumán kamon a nelábbáng a kaguman ni Cristo sakay nabiyag kam a huway a kaguman na dipo tu pánniwala moy tu kapangyariyan nu Diyos a nangbiyag nikuna a huway.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.