Juan 19:17 - U Maganda A Baheta Ni Jesu-Cristo

¹⁷ Sakay limmuwas hide tu banuwan. Impabáklay de ni Jesus u kudus na a paangay tu lugar a dáddulawán a “Bungo” (a tu upos ni Hebreo ay Golgota).

Juan 19:17 Σταυροειδείς Αναφορές

Mateo 10:38

Sakay ni ti deya be u awan makatággád tu kahirapan tu kássunud nikán ay awan karapatdapat a magin disepulus ko.

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 27:37

Nesulat tu ontok nu kudus u nagin kasalanan na: “Ti Jesus, u Hare nu Judio hide.”

Markos 10:21

Inileng siya ni Jesus, a tehhod a págmahal sakay kinagi na nikuna, “Essa pa a bagay u dapat mo a gimitán. Ilako mo u ari-ariyan mo sakay u pilak a naglakuwan mo ay iyatád mo tu mágkahirap hide tánni magkahod ka ti kayamanan ti langet. Káttapos ay soli ka sakay sumunud ka nikán.”

Markos 15:26

Sakay nakasulat tu ontok nu kudus u bintang de nikuna. “U hare nu Judio hide.”

Markos 15:32

Ni ketan tam a umogsad ti kuduse i Hari kane ti Israel ay maniwala kitamon nikuna a siya u Cristo!” Sakay sinesti be siya nu duwwa a nepako a kaguman na.

Markos 8:34

Pinaadeni ni Jesus u tolay hide pati u disepulus na hide sakay kinagi na nide, “Ni ti deyaman u masoh a sumunud nikán ay awan na dapat idipalongo u sadile na, sakay nakahanda a maghirap maskin hanggan tu kamatayan sakay sumunud nikán.

Lukas 14:27

Ni deya man u umád a magkarga tu sadili na a kudus sakay summunud nikán ay awan maare a magin disepulus ko.

Lukas 23:26

Nikuna iyangay di dán ipako ti Jesus ay natagbuwan de ti Simon a taga-Cirene a kággábwat na tu uma. Binehbeh di siya sakay pilit a impabáklay u kudus nikuna sakay pinaunonod de ti Jesus.

Lukas 23:33

Sakay káddemát de tu lugar a kákkagiyán de a Bungo ay impako de ti Jesus tu kudus sakay tu duwwa a tulisan, essa tu kawanan ni Jesus sakay essa be tu kawihe.

Lukas 23:38

Tu ontok nu kudus ni Jesus ay te sumássulat: (ti upos a Griego, Latin sakay Hebreo,) “Iye u Hare nu Judio hide.”

Lukas 9:23

Sakay kinagi na nide a atanan, “Ni deya man u masoh a sumunud nikán ay kailangan a kalimunan na u para tu sadile na. Báklayán na aldew-aldew u kudus na sakay sumunud nikán.

Juan 19:13

Nikuna a masaneg iye ni Pilato ay inluwas na ti Jesus tu palasyo na. Káttapos, immetnod siya tu áetnuden nu tagahatul, tu lugar a ni dulawán ay plasa a samento (tu upos a Hebreo ay “Gabata.”)

Juan 5:2

Ti Jerusalem ay te dakál hod a diposito ni dinom. U páppágyanan na ay adene tu pintuwan nu banuwan a sássáddáppan ni tupa. U págngahan nu Judio hide ti dinumay a itod ay Betesda. Tu digdig nu dinom ay te limma a bilay.

Gimet 7:58

Binehbeh de ti Esteban hanggan tu luwas nu banuwan para batikalán. He di hod siya a binábbatikal hanggan a matay. U tolay hide a nangtistigu ay inuba de u damit de sakay inyatád de ni Saulo.