Juan 19:11 - U Maganda A Baheta Ni Jesu-Cristo

¹¹ Timmábbeg ti Jesus, “Awan ka ti kapangyariyan nikan ni awan inyatád niko nu Diyos. Kanya mas dakál u kasalanan nu tolay a náng-angay he nikán.”

Juan 19:11 Σταυροειδείς Αναφορές

Mateo 26:65

Nikuna a nasaneg iye nu pinakapuno a saserdote, pinisad na u damit na sakay kinagi na, “I inupos na atod ay awan ti galang tu Diyos! Awan tamon kailangan u magsestigo pa. Nasaneg moy u páglapastangan na tu Diyos!

Mateo 27:2

Káttapos ay pinungo de siya sakay inyangay de ni Gobernador Pilato.

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Markos 14:44

Bagu hide a dinumemát ay kinagiyan dán ni Judas u tolay hide, “Ni ti deya u ámmuwan ko ay siya itod. Dakáppán moy siya sakay bantayan ti husto.”

Lukas 22:53

Aldew-aldiwák a magtoldu tu Templo sakay katoy kam bi hod, pero awanák moy dinakáp. Pero nadid ay panahun moy dán sakay panahon dambe nu paghare nu kapangyariyan ni Satanas.”

Juan 18:13

Inyangay de siya tu kán Anas a katugngan ni Caifas. Ti Caifas u pinakapuno nu Saserdote hide ti itod a taon.

Juan 18:3

Kanya immangay hod ti Judas, kaguman na u makpal a sundalo a Romano sakay u guwardiya hide tu templo a pinaangay hod nu puno nu Saserdote hide sakay Pariseo. Tehhod hide a tawed a simbuwan sakay te mga armas hide.

Juan 19:10

Kanya kinagi ni Pilato, “Bakin a umáddák mo a tábbegán? Awan mu beman tukoy a te kapangyariyanák a mangpalaya niko oni ipako ka tu kudus?”

Juan 3:27

Timmábbeg ti Juan, “Awan ti magimet u tolay ni awan ipakultad nu Diyos.

Juan 7:30

Dipo ti kinagiyan itod hide ni Jesus ay gustu dán siya a dakáppán nu pinuno nu Judio hide, pero awan ti nangahas dipo awan na palla odas.

Juan 9:41

Timmábbeg ti Jesus, “Ni buhák kam ay awan kam nakwa ti kasalanan. Pero kinagi moy a maketa kam, kanya manatile palla u kasalanan nikam.”

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Gimet 4:28

Tu ginimet de ay natupad dán u balak mo tu itod. Sakay nangyare iye tu kapangyariyan mo sakay tu kagustuwan mo.

Roma 11:36

Dipo u atanan a bagay ay gábwat nikuna, sakay linalang na iye hide tu pamamag-itan na sakay para nikuna. Puriyán u Diyos a magpakahanggan! Amen.

Roma 13:1

Magpasakup kam a atanan tu namuno hide tu gubiyerno. Dipo awan ni ti deyaman a tolay a maare a mamuno ni awan impakultad nu Diyos, sakay u karapatan nu essa a mamuno ay gábwat tu Diyos.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.

Santiagu 4:17

Kanya ni tukoy nu essa a tolay u maganda pero awan na ginimet ay nagkasala siya.