Juan 18:33 - U Maganda A Baheta Ni Jesu-Cristo

³³ Huway a simmáddáp ti Pilato tu palasyo na sakay impadulaw na ti Jesus, sakay tinanung na, “Hiko beman u hare nu Judio hide?”

Juan 18:33 Σταυροειδείς Αναφορές

Mateo 27:11

Káttapos ay inyangay de ti Jesus tu gubernador. “Hiko beman u Hari nu Judio hide?” tanong nikuna nu gobernador. Timmábbeg ti Jesus, “Hiko dán u nagkagi.”

Mateo 27:27

Káttapos, ti Jesus ay inyangay nu sundalo hide tu kampo de. Sakay naipun u makpal a sundalo tu palebut na.

Markos 15:2

Nikuna a katoy dán hod hide ay tinanung siya ni Pilato, “Hiko beman u hare nu Judio hide?” Timmábbeg ti Jesus, “Kinagi mo dán.”

Lukas 23:2

Sakay sinapulan de a sihiyán siya, kinagi de, “Napatunayan me a sássulsulan ni tolayan iye u kalugaran me hide a magribeldi. U tolay hide ay binábbawalan na a magbayad ti buwes para ni Cesar a hare ti Roma. Sakay páppaniwalaán na pa u tolay hide a siya u Cristo, a essa a hare.”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 12:13

Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.”

Juan 12:15

“Diyan kam manteng taga-Jerusalem hide. Ilingán moy, u káddemát nu hare moy a mágkabayo tu bul-o a asno.”

Juan 18:34

Timmábbeg ti Jesus, “Hiko beman ginábwatanay ni ina a tanung oni tehhod la a nagkagi niko tungkul nikán?”

Juan 18:37

Kinagi ni Pilato, “Ni konna hod ay essa ka a hare?” Timmábbeg ti Jesus, “Tama u kinagi mo a hariyák. Sakay ina u dahilan ni bakin a neenakák sakay immangay he ti munduwáy ay para ibaheta u tatahoden. U atanan a makatukoy tu tatahoden ay mágsaneg nikán.”

Juan 18:38

Tinanung siya ni Pilato, “Ánya beman u tatahoden?” Tu pákkakagi he ni Pilato ay limmuwas siya sakay kinagi na tu Judio hide, “Awanak ti ketan a kasalanan ni tolayan iye.

Juan 19:12

Nikuna a masaneg iye ni Pilato ay lalo siya a nasoh a palayaán ti Jesus. Pero nagpákhawan u Judio hide, “Ni palayaán mo i tolayan ina ay kontara ka tu hare tam ti Roma! Dipo u deyaman a mángkagi a hare siya ay kadima nu Hare.”

Juan 19:3

Essa-essa hide a immadene nikuna sakay ininsulto de siya sakay kinagi de, “Mabiyag u Hare nu Judio hide hanggan-hanggan!” sakay dinapang de siya.

Juan 19:4

Kanya limmuwas a huway ti Pilato sakay kinagi na tu tolay hide, “Mágsaneg kam! Ta iyatubang ko siya nikam. Gusto ko a matukuyan moy a awanák ti netan a kasalanan na!”

Juan 19:9

Kanya huway na a inyangay ti Jesus tu disalad nu palasyo na sakay tinanung na, “Taga-hádya ka?” Pero awan timmábbeg ti Jesus.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko