Juan 18:28 - U Maganda A Baheta Ni Jesu-Cristo

²⁸ Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Juan 18:28 Σταυροειδείς Αναφορές

Mateo 27:27

Káttapos, ti Jesus ay inyangay nu sundalo hide tu kampo de. Sakay naipun u makpal a sundalo tu palebut na.

Markos 15:16

Inyangay nu sundalo hide ti Jesus tu disalad nu kudal nu bilay nu gubernador, sakay pinaipun di hod u atanan a sundalo.

Lukas 22:66

Tukadimadimangan na ay namággipun u ama-amaan hide nu banuwan, u puno nu saserdote hide sakay u maisto hide nu Kautusan. Inyatubang di nide ti Jesus sakay tinanung de,

Juan 11:55

Nadid ay adene dán u kasayaan nu Judio hide tu pággala-ala de tu Págtaleb nu Anghel. Makpal a tolay a gábwat tu iba-iba a lugar nu Israel u immangay ti Jerusalem para tupadán de u utus ni Moises tungkul tu páglinis ti bággi, bagu u kasayaan.

Juan 18:13

Inyangay de siya tu kán Anas a katugngan ni Caifas. Ti Caifas u pinakapuno nu Saserdote hide ti itod a taon.

Juan 18:15

Ti Pedro ay immunonod ni Jesus, kaguman na u essa a disepulus. Sakay tukoy nu disepulus u pinakapuno a Saserdote kaya nakasáddáp siya tu kudal a kaguman ni Jesus.

Juan 18:33

Huway a simmáddáp ti Pilato tu palasyo na sakay impadulaw na ti Jesus, sakay tinanung na, “Hiko beman u hare nu Judio hide?”

Juan 18:39

Pero ayun tu kaugaliyan moy ay dapaták a magpalaya ti essa a pireso kada Kasayaan nu Pággala-ala nu Págtaleb nu Anghel. Kanya gusto moy beman a palayaan ko u Hare nu Judio hide?”

Juan 19:11

Timmábbeg ti Jesus, “Awan ka ti kapangyariyan nikan ni awan inyatád niko nu Diyos. Kanya mas dakál u kasalanan nu tolay a náng-angay he nikán.”

Juan 19:14

Nadid ay dispiras dán nu kasayaan a Pággala-ala nu Pagtaleb nu Anghel, tamo dán a tanghale. Kinagi ni Pilato tu Judio hide, “Sa iye u hare moy!”

Juan 19:9

Kanya huway na a inyangay ti Jesus tu disalad nu palasyo na sakay tinanung na, “Taga-hádya ka?” Pero awan timmábbeg ti Jesus.

Gimet 10:28

Kinagi na, “Tukoy moy a bawal tu relihiyon me a Judio u mákpisan oni bumisita tu bakán a Judio; pero inpeta nikán nu Diyos a maskin deya man ay dyan ko ituring a madangát oni awan karapat-dapat.

Gimet 10:32

Ipaangay mo ti Simon tu banuwan a Joppa, u ngángngahanan di labe a Pedro. Náktulos siya tu bilay ni Simon a máglinis ti koblet ni hayup a gimitán a gagamit, adene tu diget u bilay na.’

Gimet 11:3

Kinagi de, “Bakin náktulos ka tu bakán hide a ture a Hentil, sakay nákkan ka pa nide?”

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Gimet 4:27

Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi.