Juan 17:24 - U Maganda A Baheta Ni Jesu-Cristo

²⁴ Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 17:24 Σταυροειδείς Αναφορές

Mateo 25:21

Kinagi nikuna nu amo na, ‘Malalaki! Tapat sakay mabait a utusan! Dipo nagin matapat ka tu badit a halaga, mamahala ka tu dakal a halaga. Sumáddáp ka sakay mákpagkasayaan ka nikán!’

Mateo 25:23

Kinagi nu amo na, ‘Malalaki! Tapat sakay mabait a utusan! Nagin matapat ka tu badit a halaga kanya mamahala ka tu dakal a halaga. Sumáddáp ka sakay mákpagkasayaan ka nikán!’

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 26:29

Kagiyan ko nikam a awannák dán uminom ti alak a gábwat ti ubas hanggan ti aldew a u bigo dán a alak u inuman ko a kaguman kam tu kahariyan nu Ama ko.”

Lukas 12:37

Pinagpala u alipin hide a demáttan na a awan tidug sakay nakahanda tu káddemát nu amo de. Kagiyán ko nikam, pággetnudan na hide tu lamisaan sakay serbiyan na hide mentaras a kuman hide.

Lukas 23:43

Timmábbeg ti Jesus, “Kagiyán ko niko, nadid be ay ikuyog taka ti Paraiso.”

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Juan 14:3

Kapag nakaangayák dán hod sakay nepaghanda takamon ti páppágyanan moy ay soliyák sakay kuyugán takamon tu páppágyanan ko para maski ni hádyaák ay hod kam be.

Juan 15:9

Mahal takam a konna tu pángmahal nikán nu Ama. Manatile kam tu págmahal ko.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 17:22

Inatádden ko hide ti karangalan a konna tu inyatád mo nikán, para magin essa hide a konna nikita.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Juan 6:39

Sakay iye u kagustuwan nu nangpaangay he nikán: diyan ko pabayan a mawan u maski essa tu inyatád na hide nikán, nan biyagán ko hide a huway tu katapusan a aldew.

Juan 8:58

Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.”

1 Corinto 13:12

Nadid a kasalukuyan, awan maliwanag u pákkaintendi tam tungkul tu Diyos a kumán a mahabuháb a hupa u ketan tam tu aspeho, pero dumemát u aldew a ketan tam siya ti harapan. Badit palla u tukoy ko nadid; pero dumemát u aldew a matukuyan ko iye a atanan, konna tu pákkatukoy nu Diyos nikán.

2 Corinto 3:18

Sakay nadid ay nawan dán u tapoh tu isip tam, sakay netan dán nikitam u kapangyariyan nu Panginoon. I kapangyariyanan iye ay gábwat tu Panginoon a Banal a Ispirito. Siya u utay-utay a mangbagu nikitam, hanggan magin kapareho na kitam.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

2 Corinto 5:8

Kaya awan kame panghinaan ti isip maski u gusto me ay iwahak dán i bággiyan iye tánni makaguman mi dán u Panginoon.

Filipos 1:23

Ti duwwaan iye a pagpiliyan ay he dák ti ballog: ni mabiyag palla oni matay dán. Gusto ku dán nakwa a matay tánni makaguman ko dán ti Cristo, dipo iye u mas maganda para nikán.

1 Tesalonica 4:17

Sakay hikitam a biyag palla ay maipun tu panganurin kaguman u biniyag hide tánni tagbuwán u Panginoon tu panganurin. Tánni makaguman tam siya hanggan-hanggan.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

Pahayag 21:22

Sakay napansin ko a awan ti templo tu banuwan dipo mismo a u Panginoon a Diyos a Makapangyariyan tu atanan sakay u Tupa u pinakatemplo hod.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.