Juan 17:21 - U Maganda A Baheta Ni Jesu-Cristo

²¹ Ama ipagdasal ko niko, a nakwa magin essa hide a atanan a konna nikita. Ni kodya ka a hod nikán sakay hodák be niko, nakwa hide ay hod nikita, para maniwala u taga-mundu hide a hiko u nangpaangay he nikán.

Juan 17:21 Σταυροειδείς Αναφορές

Markos 3:24

Ni mamáglaban-laban u tolay hide tu essa a banuwan ay masida i kahariyanan itod.

Juan 10:16

Tehhodák palla a agum a tupa a awan ti kudaláy. Kailangan ko be hide a pasaddapan sakay sanigan de u boses ko. Tu konna hod ay magin essa dan hide a gurupo sakay te essa hide a pastol.

Juan 10:30

Hikán sakay u Ama ay eessa kame.”

Juan 10:38

Pero ni ginimet ko u ipagimet hide nu Ama ko, maski ni umád moy a maniwala nikán, maniwala kam tu ginimet ko hide para maintendiyan moy a u Ama ay katoy nikán sakay hikán be ay katoy tu Ama.”

Juan 11:42

Tukoy ko a pirmiyák mo a sanigán. Kaya ko iye a kinagi ay dipo ti tolayáy hide, para maniwala hide a hiko u nángpaangay he nikán.”

Juan 13:32

Ni mehayag u karangalan nu Diyos dipo nikán ay ihayag be a pagdaka nu Diyos u karangalan tu Anak sakay gimitán na itod a pagdaka.”

Juan 13:35

Ni magmahalan kam ay matukuyan nu atanan a tolay a disepulus takam.”

Juan 17:11

Sakay nadid ay soliyák dán niko, iwahak ku dán i munduwáy, pero hide ay manatile hide he ti munduwáy. Ama a Banal, bantayan mu ped hide tu pamamag-itan nu kapangyariyan nu ngahan mo, a inyatád mo nikán, tán magin essa hide a konna nikita.

Juan 17:18

Pinaangayák mu he ti munduwáy, konna bi hod ay pinaangay ku be hide ti munduwáy, para magtoldu.

Juan 17:20

U dasal ko ay bakán la a para nide, nan pate be tu maniwala hide nikán tu pamamag-itan nu pagtoldu de.

Juan 17:25

Ama, a Banal maski ni awan ka tukoy nu taga-mundu hide ay tukoy taka, sakay tukoy nu maniwala hide a hiko u nangpaangay he nikán.

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 17:8

Dipo intoldu ko nide u atanan a intoldu mo nikán sakay tinanggap di iye. Siguradu hide a talaga gábwaták niko sakay maniwala hide a pinaangayák mu he.

Juan 3:17

Dipo awan pinaangay nu Diyos u anak na ti munduway para hatulan ti parusa u tolay hide, nan para iligtas tu pamamag-itan na.

Juan 5:23

para parangalan nu atanan u Anak a konna tu pángparangal de tu Ama. U awan mangparangal tu Anak ay awan mangparangal tu Ama a nángpaangay he nikuna.”

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

Roma 12:5

konna labe nikitam a manampalataya. Makpal kitam, pero nabuo kitam tu eessa a bággi ni Cristo, sakay balang essa ay parte nu kada essa.

1 Corinto 1:10

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

1 Corinto 12:12

U bággi ay eessa pero makpal a parte; maski ni binuo nu iba-iba a parte, ay eessa pade iye a bággi konna bihod ti Cristo; makpal u mánnampalataya nikuna pero eessa la ti Cristo a nákpagkaessaan de.

1 Corinto 6:17

Pero u nákpagkaessa tu Panginoon, ay magin kaessa na ti Ispirito.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

1 Juan 5:7

Kanya tehhod a tállo a makapagpatunay a ti Jesu-Cristo ay Anak nu Diyos: