Juan 16:5 - U Maganda A Baheta Ni Jesu-Cristo

⁵ Pero nadid ay soliyák dán tu nangpaangay he nikán, pero maski ni essa nikam ay awan ti nagtanung ni hádyaák angayan.

Juan 16:5 Σταυροειδείς Αναφορές

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

Juan 13:36

Nagtanung ti Simon Pedro ni Jesus, “Panginoon, hádya ka a angay?” Timmábbeg ti Jesus, “Nadid ay awan ka palla makaangay tu angayan ko, pero tumagubet ka be tu dimodyan a aldew.”

Juan 14:28

Nasaneg moy dán u kinagi ko tu itod a lumakadák pero soliyák labe nikam. Ni mahalák moy ay masaya kam tu káangay ko tu Ama, dipo mas dakila u Ama nan hikán.

Juan 16:10

Male hide tungkul tu pagkamatuwid dipo angayák dán tu Ama sakay awanák moy dán keketan.

Juan 16:16

Sabadit dálla a odas ay awanák moy dán ketan a huway, sakay káttapos nu sabadit a panahun ay ketanák moy a huway.”

Juan 16:17

Namágtanungan u disepulus na hide, “Ánya wád u gusto na a kagiyán? Bakin a nakagi na a sabadit dálla a panahun ay awan tamon siya ketan, sakay káttapos nu sabadit a panahun ay ketan tam siya a huway? Kinagi na pa a dipo soli dán siya tu Ama na.”

Juan 16:28

Naggábwaták ngane tu Ama sakay immangayák he ti munduwáy. Pero nadid ay lumakadák dán he ti munduwáy ta soliyák dán tu Ama.”

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Juan 17:4

Impakapospos ku dán u karangalan mo he ti munduwáy, dipo natupad ku dán u impatarabaho mo nikán.

Juan 6:62

Kodya dán wád ni ketanák moy a Anak nu Tolay a paontok a pasole tu ginábwatan ko?

Juan 7:33

Kinagi ni Jesus, “Awanák moy dán makaguman ti malay, sakay káttapos ay soliyák dán tu nangpaangay he nikán.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.