Juan 16:28 - U Maganda A Baheta Ni Jesu-Cristo

²⁸ Naggábwaták ngane tu Ama sakay immangayák he ti munduwáy. Pero nadid ay lumakadák dán he ti munduwáy ta soliyák dán tu Ama.”

Juan 16:28 Σταυροειδείς Αναφορές

Lukas 24:51

Mentaras a pagpalaán na hide ay mággaoontok siya a patamo ti langet.

Lukas 9:51

Nikuna adene dán a sumole ti Jesus ti langet ay naisip na a angay ti Jerusalem.

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

Juan 14:28

Nasaneg moy dán u kinagi ko tu itod a lumakadák pero soliyák labe nikam. Ni mahalák moy ay masaya kam tu káangay ko tu Ama, dipo mas dakila u Ama nan hikán.

Juan 16:10

Male hide tungkul tu pagkamatuwid dipo angayák dán tu Ama sakay awanák moy dán keketan.

Juan 16:16

Sabadit dálla a odas ay awanák moy dán ketan a huway, sakay káttapos nu sabadit a panahun ay ketanák moy a huway.”

Juan 16:30

Tukoy me a tukoy mo u atanan a bagay, sakay awan ka dán kailangan a tanungán nu deyaman. Kanya maniwala kame a gábwat ka tu Diyos.”

Juan 16:5

Pero nadid ay soliyák dán tu nangpaangay he nikán, pero maski ni essa nikam ay awan ti nagtanung ni hádyaák angayan.

Juan 17:11

Sakay nadid ay soliyák dán niko, iwahak ku dán i munduwáy, pero hide ay manatile hide he ti munduwáy. Ama a Banal, bantayan mu ped hide tu pamamag-itan nu kapangyariyan nu ngahan mo, a inyatád mo nikán, tán magin essa hide a konna nikita.

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 8:14

Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan.

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.