Juan 16:17 - U Maganda A Baheta Ni Jesu-Cristo

¹⁷ Namágtanungan u disepulus na hide, “Ánya wád u gusto na a kagiyán? Bakin a nakagi na a sabadit dálla a panahun ay awan tamon siya ketan, sakay káttapos nu sabadit a panahun ay ketan tam siya a huway? Kinagi na pa a dipo soli dán siya tu Ama na.”

Juan 16:17 Σταυροειδείς Αναφορές

Markos 9:10

Kanya awan de kinagi maskin ti deya i nangyariyan itod, pero nagtanungan hide ni ánya i gustuway a kagiyán ni Jesus tu kinagi na a mabiyag siya a huway.

Markos 9:32

Pero awan de naintendiyan u kinagi ni Jesus, sakay magalangan be hide a magtanung nikuna.

Lukas 18:34

Pero awan hide ti naintendiyan tu nasaneg de. Awan de naintendiyan ni ánya u gusto na a kagiyán sakay awan hide ti nangmalayan ni ánya u kinagi na.

Lukas 9:45

Pero awan di maintendiyan u kinagi na dipo awan pálla impakapospos nu Diyos nide u kahulugan ni itod. Sakay manteng be hide a magtanung ni ánya u gusto a kagiyán nu kinagi na.

Juan 12:16

Tu dipalongo ay awan iye naintendiyan nu disepulus hide ni Jesus. Pero nikuna a makasole dán ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.

Juan 14:22

Tinanung siya ni Judas (Bakán a ti Judas Iscariote), “Panginoon, bakin a hikame la u pángpakilalaan mo tu sadile mo, awan mo ipakilala tu agum a tolay ti munduway?”

Juan 14:5

Kinagi ni Tomas nikuna, “Panginoon, awan me tukoy ni hádya ka angayan, kodya me a matukuyan u dilan?”

Juan 16:1

Nadid, kinagi pa ni Jesus, “Kagiyán ku iye a atanan nikam tánni awan kam mawanan ti pánnalig nikán.

Juan 16:16

Sabadit dálla a odas ay awanák moy dán ketan a huway, sakay káttapos nu sabadit a panahun ay ketanák moy a huway.”

Juan 16:18

Kinagi de, “Ánya wád u gusto na a kagiyán tu ‘sabadit a panahun?’ Awan tam tukoy ni ánya u gusto na a kagiyán.”

Juan 16:19

Tukoy ni Jesus a gusto de a magtanung, kanya kinagi na nide, “Namágtanungan kam beman tungkul tu kinagi ko a ‘Sabadit dálla a panahun ay awanák moy dán ketan, sakay káttapos nu sabadit a panahun ay ketanák moy a huway?’

Juan 16:5

Pero nadid ay soliyák dán tu nangpaangay he nikán, pero maski ni essa nikam ay awan ti nagtanung ni hádyaák angayan.