Juan 15:10 - U Maganda A Baheta Ni Jesu-Cristo

¹⁰ Ni sássunudán moy u utus ko ay manatile kam tu págmahal ko. Konna nikán, sássunudán ko u utus nu Ama, kanya manatiliyák tu págmahal na.

Juan 15:10 Σταυροειδείς Αναφορές

Juan 10:18

Awan ti makaalap tu biyag ko, ni awan inkusa ko iye a inyatád. Tehhodák a karapatan a iyatád iye, sakay alapán iye a huway. Iye u inyutus nikán nama ko.”

Juan 12:49

Dipo u itáttoldu ko ay bakán a gábwat tu sadile ku la nan gábwat tu Ama a nangpaangay he nikán. Siya u nagutus tu kagiyán ko.

Juan 14:15

Kinagi na tu disepulus na hide, “Ni mahalák moy ay sunudán moy u utus ko.

Juan 14:21

U ti deya man a mangtanggap sakay mangsunud tu utus ko hide ay siya u mangmahal nikán. U mangmahal nikán ay mahalán be nu Ama sakay mahalán ku be siya, sakay magpakilalaák nikuna ti husto.”

Juan 14:23

Timmábbeg ti Jesus nikuna, “U mangmahal nikán ay sumunud tu upos ko. Mahalán siya nu Ama, sakay mágyan kame nikuna.

Juan 14:31

Pero dapat a matukuyan nu tolay hide a mahal ko u Ama, kanya gimitán ko u inyutus na nikán. Kadtamon, lumakad kitamon he.”

Juan 17:4

Impakapospos ku dán u karangalan mo he ti munduwáy, dipo natupad ku dán u impatarabaho mo nikán.

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Juan 8:29

Pirme ko a kakaguman u nangpaangay he nikán, sakay awanák na páppabayan a mágge-essa, dipo pirme ko a gimitán u bagay hide a makasaya nikuna.”

Juan 8:55

Pero awan moy siya tukoy, hikán ay tukoy ko siya. Ni kagiyán ko a awan ko siya kilala ay magin mabuliyák a konna nikam. Pero talaga kilala ko siya sakay sunudán ko u Upos na.

1 Corinto 7:19

Awan ti halaga ni ture u essa a tolay oni awan ture u mahalaga ay u kássunud tu utus hide nu Diyos.

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

2 Pedro 2:21

Mas maganda pa ni awan de natukuyan u tungkul tu makadiyos a kákkabiyag, kasera ni natukuyan de iye sakay adággen de labe tu dimodyan a aldew u banal hide a utus a inyatád nide.

1 Juan 2:3

Nakasigudu kitam a kilala tam u Diyos ni sássunudán tam u utus na hide.

1 Juan 2:5

Pero ni u tolay ay sumássunud tu upos nu Diyos ay mángpeta iye a u págmahal nu Diyos ay nagin ganap tu biyag na. Konna he u pakatukuyan tam a atoy kitam nikuna.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.

1 Juan 5:3

Dipo u tatahoden a magmahal tu Diyos ay u sumunud tu utus na hide. Sakay awan mahirap a sunudán u utus na hide,

Pahayag 22:14

Pinagpala u maglinis hide tu babadu de dipo tehhod hide a karapatan a sumáddáp tu banuwan sakay kuman tu bunga nu kayo a makapangatád ti biyag.