Juan 13:14 - U Maganda A Baheta Ni Jesu-Cristo

¹⁴ Ni hikán a Maisto moy sakay Panginoon moy, ay naguges tu tika-tikád moy, dapat ay konna bi hod u gimitán moy tu bawat essa.

Juan 13:14 Σταυροειδείς Αναφορές

Juan 11:2

Ti Maria u nángbulak tu pasáppot tu tikád ni Jesus sakay káttapos ay pinahiden na tu buuk na. Sakay dipo nagkasakit ti Lazaro,

Gimet 20:35

Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

1 Corinto 12:3

Kaya gusto ko a matukuyan moy a maski nikan ay awan makagi nu tolay a igággiya nu Ispirito nu Diyos a, “Sumpaán ti Jesus!” Sakay awan be makagi nu maskin deya a, “Panginoon ti Jesus,” ni awan siya igiya nu Banal a Ispirito.

1 Corinto 8:13

Kaya ni tu makan la u dahilan a pagkasalaan nu kapatkákka ko ay dyanák dán kuman ti karne tánni awan siya magkasala.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 8:9

Dipo tukoy moy ni sa kodya ti kadakál u págmahal nu Panginoon tam a ti Jesu-Cristo, a maski mayaman siya ay nagin mahirap tánni yumaman kam tu pamamag-itan nu pagka-mahirap na.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Filipos 2:11

Sakay ipakapospos nu atanan a tolay a ti Jesu-Cristo u Panginoon, para tu kapuriyan nu Diyos Ama.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”