Juan 12:44 - U Maganda A Baheta Ni Jesu-Cristo

⁴⁴ Kinagi ni Jesus ti mabegsák, “U maniwala nikán ay bakán la a hikán u pinaniwalaan na nan pate be tu nangpaangay he nikán.

Juan 12:44 Σταυροειδείς Αναφορές

Mateo 10:40

Kinagi pa ni Jesus nide “Ni ti deya u mangtanggap nikam ay tinanggapák di be. Sakay u mangtanggap nikán ay tinanggap de u Ama a nangutus nikán.

Markos 9:23

Tinábbeg siya ni Jesus, “Bakin a na kagi mo a tehhodák a magimet? Mangyare u atanan para tu tolay a maniwala tu Diyos.”

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Juan 11:43

Tu pákkakagi na ti iye ay pimmákhaw siya sakay kinagi na, “Lazaro, lumuwas ka!”

Juan 13:20

Kagiyan ko nikam u tatahoden: U mangtanggap tu tolay hide a inutusan ko ay timmanggap nikán, sakay u mangtanggap nikán ay mangtanggap tu nángpaangay he nikán.”

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Juan 7:28

Mentaras a magtoldu ti Jesus tu templo ay kinagi na ti mabegsák, “Tatahoden beman a matenggiyák moy sakay tukoy moy ni hádyaák a gábwat? U tatahoden ay awanák he immangay tu sadile kula a kagustuwan. U tunay a Diyos u nangpaangay he nikán, pero awan moy siya matengge.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.