Juan 12:16 - U Maganda A Baheta Ni Jesu-Cristo

¹⁶ Tu dipalongo ay awan iye naintendiyan nu disepulus hide ni Jesus. Pero nikuna a makasole dán ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.

Juan 12:16 Σταυροειδείς Αναφορές

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Markos 9:32

Pero awan de naintendiyan u kinagi ni Jesus, sakay magalangan be hide a magtanung nikuna.

Lukas 18:34

Pero awan hide ti naintendiyan tu nasaneg de. Awan de naintendiyan ni ánya u gusto na a kagiyán sakay awan hide ti nangmalayan ni ánya u kinagi na.

Lukas 24:25

Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide?

Lukas 24:45

Binukasan na u iisip de para maintendiyan de u Kasulatan hide.

Lukas 9:45

Pero awan di maintendiyan u kinagi na dipo awan pálla impakapospos nu Diyos nide u kahulugan ni itod. Sakay manteng be hide a magtanung ni ánya u gusto a kagiyán nu kinagi na.

Juan 12:23

Timmábbeg ti Jesus nide, “Dummemát dán u odas para parangalan u Anak nu Tolay.

Juan 14:26

Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 16:4

Pero kagiyán ko nikam i iye hide, para káddemát nu págdusta a gimitan de nikam ay maalaala moy a kinagi ku dán iye hide nikam. Awan ku palla kinagi nikam i bagayan iye hide tu sapul dipo kagumanák moy palla.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 2:22

Kanya nikuna a mabiyag siya a huway, naala-ala nu disepulus na hide i kinagi na an iye, sakay naniwala hide tu kinagi nu Kasulatan sakay tu kinagi hide ni Jesus.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 2:36

Kanya dapat talaga a matukuyan nu atanan a Israelita a ti Jesus a impako moy tu kudus ay siya u pinile nu Diyos a magin Panginoon sakay Cristo.”

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.