Juan 12:1 - U Maganda A Baheta Ni Jesu-Cristo

¹ Nadid, ánnam pa a aldew bagu u pággala-ala tu Págtaleb nu Anghel ay dinumemát dán ti Jesus ti Betania, tu banuwan ni Lazaro a huway na a biniyag.

Juan 12:1 Σταυροειδείς Αναφορές

Mateo 21:17

Hinumektat ti Jesus tu banuwan sakay nanamo ti Betania. Hod siya a nagpalipas ti gibi.

Markos 11:11

Káddemát de ti Jerusalem ay immangay ti Jesus tu Templo. Inileng na ti maayus u atanan a bagay hod. Nikuna a gibi dán ay immangay siya ti Betania kaguman na u sapulo ay ti duwwa a disepulus na.

Lukas 24:50

Káttapos ay inkuyog hide ni Jesus ti Betania. Káddemát di hod ay inyontok na u kamát na sakay pinagpala na hide.

Lukas 7:37

Ti itod be a banuwan ay te bábbey a makasalanan. Nikuna mabaheta na a pasiyaan a kuman ti Jesus tu bilay nu Pariseo ay immangay hod siya sakay nagtawed ti pasáppot a katoy tu págdattonan a alabastro.

Juan 11:1

Nadid, tehhod a essa a lállake a nagkasakit u ngahan na ay ti Lazaro. Mágyan siya ti Betania, kaguman nu wáwwadi na hide a di Maria sakay Marta.

Juan 11:43

Tu pákkakagi na ti iye ay pimmákhaw siya sakay kinagi na, “Lazaro, lumuwas ka!”

Juan 11:44

Limmuwas ngane ti Lazaro a te balut palla u kama-kamát na sakay tu tika-tikád na ti panglábbáng a damit, sakay nabalutan ti tela u hupa na. Kinagi ni Jesus nide, “Ibutan moy dán u balut na a damit, tán makalakad siya.”

Juan 11:55

Nadid ay adene dán u kasayaan nu Judio hide tu pággala-ala de tu Págtaleb nu Anghel. Makpal a tolay a gábwat tu iba-iba a lugar nu Israel u immangay ti Jerusalem para tupadán de u utus ni Moises tungkul tu páglinis ti bággi, bagu u kasayaan.

Juan 12:12

Tu kadima-dimangan ay nabaheta nu makpal a tolay a immangay tu kasayaan a patamo ti Jesus ti Jerusalem.

Juan 12:20

Tehhod be a sangan a Griego a immangay tu kasayaan nu Aldew nu Pagtaleb para sumamba.

Juan 12:9

Nikuna mabaheta nu makpal a tolay a katoy ti Jesus ti Betania ay ummangay hide hod. Bakán la a dipo ni Jesus nan gusto di be a ketan ti Lazaro a biniyag na a huway.