Juan 11:55 - U Maganda A Baheta Ni Jesu-Cristo

⁵⁵ Nadid ay adene dán u kasayaan nu Judio hide tu pággala-ala de tu Págtaleb nu Anghel. Makpal a tolay a gábwat tu iba-iba a lugar nu Israel u immangay ti Jerusalem para tupadán de u utus ni Moises tungkul tu páglinis ti bággi, bagu u kasayaan.

Juan 11:55 Σταυροειδείς Αναφορές

Mateo 26:1

Nikuna a natapos dán a itoldo ni Jesus u atanan a iye ay kinagi na tu disepulus na hide,

Mateo 26:2

“Tukoy moy a duwwa a aldew dálla ay Kasayaan dán nu Aldew nu Pagtaleb Sakay itokyon u Anak nu Tolay para ipako tu kudus.”

Markos 14:1

Duwwa dálla a aldew ay piyesta dán nu pággala-ala nu Judio hide tu kálluwas de ti Egipto, sakay Piyesta be nu tinapay a awan ti Págpaalsa. Nadid, u puno nu saserdote hide sakay u eskriba hide a maisto nu Kautusan ay pinamágguhunan de ni kodya de a ipadakáp ti Jesus a awan ti makatukoy sakay pabuno de.

Lukas 22:1

Nadid, adene dán a dumemát u Piyesta nu Tinapay a awan ti Págpaalsa a kákkagiyán di be a Kasayaan nu Aldew nu Págtaleb.

Juan 12:1

Nadid, ánnam pa a aldew bagu u pággala-ala tu Págtaleb nu Anghel ay dinumemát dán ti Jesus ti Betania, tu banuwan ni Lazaro a huway na a biniyag.

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Juan 2:13

Nadid, káddemát nu Kasayaan nu Káttaleb nu Judio hide ay immangay di Jesus ti Jerusalem.

Juan 2:6

Tehhod a ánnám a tapayan a gággamitán nu Judio hide a pággugisan a ayun tu kaugaliyan de. U essa a tapayan ay maglasán ti duwa pulo hanggan ti tállo a pulo a galon a dinom.

Juan 5:1

Nadid, káttapos ni itod ay immangay ti Jesus ti Jerusalem, para umangay tu kasayaan nu Judio hide.

Juan 6:4

Adene dán tu itod u aldew nu kasayaan nu Judio hide, a dáddulawán a aldew nu Págtaleb nu Anghel.

Gimet 21:24

Ikuyog mo hide sakay gimitán moy u páglinis sigun tu Kautusan. Hiko dán u bahala tu magastus, tánni mapagappás di dán u buuk de. Tán matukuyan nu atanan a awan tatahoden u baheta tungkul niko nan sássunudán mo u Kautusan ni Moises.

Gimet 21:26

Tu kadimadimangan na ay kinuyog ngane ni Pablo u lállake hide sakay tinupad de u pananto de u páglinis. Káttapos ay immangay siya tu templo sakay impakapospos na ni nikan a matapos u takda a panahun nu páglinis tánni mealay u alay para tu balang essa.

Gimet 24:18

Ina u ginimet ko nikuna a demáttanák de tu templo natapos ku dán a gimitán tu itod u atanan a bagay para tu páglinis sigun tu Kautusan, sasangan la a tolay u kaguman ko tu itod sakay awanák nanggulo.

1 Corinto 11:28

Kaya pakasuriyán nu tolay u sadile na bagu a kuman tu tinapay sakay uminom tu baso.

Santiagu 4:8

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.