Juan 11:41 - U Maganda A Baheta Ni Jesu-Cristo

⁴¹ Kanya inibutan de u bito. Timmangad ti Jesus ti langet sakay kinagi na, “Amáng, magpasalamaták niko dipo sinanigák mo.

Juan 11:41 Σταυροειδείς Αναφορές

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Mateo 11:26

On Amáng dipo ina i kagustuwan muway.”

Mateo 27:60

Inyangay na iye tu sadili na a páglábbangan a awan palla nalay a impagimet na tu pader a bito. Káttapos, ingulong na tu pintuan u essa a dakal a bito sakay limmakad.

Markos 15:46

Namale ti Jose ti mapudew a damit a lino a pangbalut na tu bangkay. Nikuna a me-ogsad na u bangkay ni Jesus ay binalutan na tu damit sakay tulos na a inlábbáng tu kuweba a páglábbangngan de. Impagulung na u dakál a bito a nangtakáp de tu pintuwan nu páglábbángngan de.

Lukas 10:21

Ti odas biyan itod ay nagkahod ti Jesus ti kasayaan a gábwat tu Banal a Ispirito, kinagi na, “Magpasalamaták niko Ama a Panginoon ti langet sakay ti lutaáy dipo awan mo impakapospos tu mágkarunung i bagayan hidenye. Impakapospos mo la iye hide tu tolay hide a mapakumbaba a konna tu anak. On, Ama magpasalamaták dipo konna hod u gusto mo a mangyare.”

Lukas 18:13

Pero u mágsingeh ti buwes ay magtáknág tu adeyo; a awan makaile-ileng ti langet, nan táttepdagán na u hakaw na, sakay kinagi na, ‘Diyos ko, kagbiyanák pay, essaák a makasalanan!’

Lukas 24:2

Káddemát de ay nedemáttan de a negulung dan u bito a tumáttákláb tu pintuwan nu páglábbángngan.

Juan 11:22

Pero maski nadid, ay tukoy ko a iyatád niko nu Diyos u maski ánya a agidán mo nikuna.”

Juan 17:1

Nadid, tu pákkakagi ni Jesus ti iye hide a bagay ay timmangad siya ti langet sakay kinagi na, “Ama, dimmemát dán u odas. Parangalan mu dán u Anak mo, para parangalan nakabe.

Juan 20:1

Nadid, tu dimadimang nu Simba, madidiklám palla ay immangay dán ti Maria Magdalena tu páglábbángngan. Káddemát na hod ay netan na a nabukasan dán u takáp nu páglábbángngan a bito.

Gimet 7:55

Pero naputat siya ti Banal a Ispirito, kanya immileng siya ti langet kaya netan na u demlag nu Diyos sakay kaguman na ti Jesus a maghare.

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.