Juan 11:4 - U Maganda A Baheta Ni Jesu-Cristo

⁴ Nikuna a masaneg iye ni Jesus ay kinagi na, “Awan siya matay tu saket na. Nagkasakit siya para maparangalan u Diyos, sakay tu pamamag-itan ni iye ay puriyán nu tolay u Anak nu Diyos.”

Juan 11:4 Σταυροειδείς Αναφορές

Juan 10:38

Pero ni ginimet ko u ipagimet hide nu Ama ko, maski ni umád moy a maniwala nikán, maniwala kam tu ginimet ko hide para maintendiyan moy a u Ama ay katoy nikán sakay hikán be ay katoy tu Ama.”

Juan 11:40

Kinagi ni Jesus nikuna, “Awan beman kinagi ko dán niko a ni maniwala ka ay ketan mo u kapuriyan nu Diyos?”

Juan 12:28

Káttapos ay kinagi ni Jesus tu Ama, “Amáng ipeta mo u kapuriyan mo tu tolay.” Nikuna a nakagi na itod ay essa a boses u timmábbeg, “Impeta ku dán tu pamamag-itan mo, sakay huway ko iye a ipeta.”

Juan 17:1

Nadid, tu pákkakagi ni Jesus ti iye hide a bagay ay timmangad siya ti langet sakay kinagi na, “Ama, dimmemát dán u odas. Parangalan mu dán u Anak mo, para parangalan nakabe.

Juan 17:10

U atanan a tolay a kao ko ay kao mo, sakay u atanan a kao mo ay kao ko, sakay maparangalanák tu pamamag-itan de.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Juan 5:23

para parangalan nu atanan u Anak a konna tu pángparangal de tu Ama. U awan mangparangal tu Anak ay awan mangparangal tu Ama a nángpaangay he nikuna.”

Juan 8:54

Kinagi ni Jesus nide, “Ni hikán la u mánglangkaw tu sadile ko, awan iye ti kabuluhan. Pero u Ama, a kinagi moy a Diyos moy u mánglangkaw nikán.

Juan 9:24

Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”

Juan 9:3

Timmábbeg ti Jesus, “Neenak siya a buhák bakán a dipo tu kasalanan na oni kasalanan nu dáddakál na hide. Nangyari iye para mepeta u kapangyariyan nu Diyos nikuna.

Roma 11:11

Nesángdul u Judio hide dipo awan hide simmampalataya ni Cristo. U gusto na beman a kagiyán ay tulos dán a mepahamak u Israel? Awan! Pero dipo tu kássuway de ay nagkahod ti pagkakataun u Hentil hide a maligtas. Sakay dipo hod ay sinumene u Judio hide sakay gustuwán di be i kaligtasanan iye.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 1:20

U gugusto ko sakay áasaan ko ay awanák nakwa magkulang tu tungkulin ko, nan magkahodák ti begsák ni isip ánya man a odas. Tánni mabiyagák man oni matay dán ay mapapuriyan ti Cristo tu pamamag-itan ko.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.