Juan 11:28 - U Maganda A Baheta Ni Jesu-Cristo

²⁸ Tu pákkakagi na ti iye ay nagsole ti Marta tu bilay de. Dinulaw na u wadi na a ti Maria sakay kinagi na ti lihim, “Atoy dán u Maisto, sakay impadulaw na ka.”

Juan 11:28 Σταυροειδείς Αναφορές

Mateo 26:18

Timmábbeg siya, “Angay kam ti dibanuwan sakay ehyokan moy u essa a tolay. Kagiyán moy nikuna a kona he u ipekagi nu Maistu mi ‘Adeni dán u panahon ko. Hikán sakay u disepulus ko hide ay tu bilay mo a kuman tu pangngapon nu Aldew nu Págtaleb.’ ”

Markos 10:49

Tu pákkasaneg ni Jesus nikuna ay kinagi na, “Iyangay moy he siya.” Kanya dinulawan de u buhák sakay kinagi de nikuna, “Begsákkan mo i isip muwe. Tumaknág ka dán, dipo impadulaw ka ni Jesus.”

Markos 14:14

hanggan tu bilay a sáddáppan na, ‘Sakay kagiyán moy tu makákkao tu bilay, “Ipetanung ben nu Maisto ni tehhod kam a kuwarto a maare na a pangapunan sakay tu disepulus na hide, para tu Piyesta nu pággala-ala.”’

Lukas 22:11

Sakay kagiyán moy tu makábbilay, ‘Petanung ben nu Maisto ni tehhod kam a kuwarto a maare na a gamitán sakay tu disepulus na hide para tu Aldew nu Págtaleb.’

Juan 1:41

Kanya tu kadimadimangan ay inehyok a agad ni Andres u kapatkákka na a ti Simon sakay kinagi na nikuna, “Netan me u Mesias.” (U gusto a kagiyán ni iye a upos ay Cristo.)

Juan 1:45

Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Juan 10:3

Pasáddáppán siya nu mágbantay tu pintuwan, sakay tukoy nu tupa hide u boses na. Dulawan na hide tu bawat ngahan de sakay iluwas na hide tu kulungan de.

Juan 11:20

Nikuna a mabaheta ni Marta a pademát ti Jesus ay tinagbu na siya pero nagwahak tu bilay ti Maria.

Juan 11:29

Nikuna a masaneg iye ni Maria ay timmaknág siya sakay nagalalisto a immangay tu kán Jesus.

Juan 11:30

(Awan palla nakademát ti Jesus tu Baryo, nan katoy palla siya tu nagtagbuwan de ay ti Marta.)

Juan 13:13

Dáddulawánák moy a Maisto, sakay Panginoon, tama kam dipo ina u tatahoden.

Juan 20:16

Kinagi nikuna ni Jesus, “Maria!” Tu kássuleg na ay pimmákhaw siya tu upos ni Hebreo, “Rabboni!” (u gusto na a kagiyán ay “Maisto.”)

Juan 21:7

Kinagi nu disepulus a mahal ni Jesus ni Pedro, “U Panginoon itod!” Nikuna a masaneg iye ni Pedro ay insulot na u damit na a ineklas na, simmegbu siya tu dinom, sakay nagnangoy a patamo tu digdig.

1 Tesalonica 5:11

Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.

Hebreo 12:12

Kanya ilangkaw moy i kamát moye hide a mágkalupoy sakay begsákkan i guwaláb moye hide a magpágpág.