Juan 10:36 - U Maganda A Baheta Ni Jesu-Cristo

³⁶ bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 10:36 Σταυροειδείς Αναφορές

Mateo 27:43

Nanalig siya tu Diyos sakay kinagi na a siya u Anak nu Diyos. Iligtas siya nu Diyos ni talaga a tatahoden u kinagi na!”

Mateo 27:54

Nanteng a tahod u kapitan sakay u sundalo hide a nagbantay ni Jesus nikuna nabati de u linog sakay netan de u atanan a nangyare. “Tahod ngane a siya ay Anak nu Diyos!” kinagi de.

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Juan 10:35

Sakay awan tam dapat a bali awanán u Kautusan. Kanya ni dinulaw na a ‘diyos’ U inatádden na hide ti mensahe,

Juan 17:18

Pinaangayák mu he ti munduwáy, konna bi hod ay pinaangay ku be hide ti munduwáy, para magtoldu.

Juan 17:21

Ama ipagdasal ko niko, a nakwa magin essa hide a atanan a konna nikita. Ni kodya ka a hod nikán sakay hodák be niko, nakwa hide ay hod nikita, para maniwala u taga-mundu hide a hiko u nangpaangay he nikán.

Juan 17:8

Dipo intoldu ko nide u atanan a intoldu mo nikán sakay tinanggap di iye. Siguradu hide a talaga gábwaták niko sakay maniwala hide a pinaangayák mu he.

Juan 19:7

Pero impilit nu Judio hide, “Tehhod kame a Kautusan. Sakay ayun ti iye ay dapat siya a matay dipo magkukunware siya a Anak nu Diyos.”

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 3:17

Dipo awan pinaangay nu Diyos u anak na ti munduway para hatulan ti parusa u tolay hide, nan para iligtas tu pamamag-itan na.

Juan 3:34

Dipo pinaangay he nu Diyos ti Cristo para magkagi nikitam tu upos nu Diyos, dipo siya u pinagkaluuben nu Diyos tu Ispirito na a awan ti kahád ti kapangyariyan.

Juan 5:30

Kinagi pa ni Jesus, “Awanák ti gimitán a ayun la tu sadile ko a kagustuwan. Maghatulák a ayun tu kinagi nikán nu Ama, kanya tama u hatul ko, bakán a u sadile ko a kaluuben u sunudán ko nan u kaluuben nu nangpaangay he nikán.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Juan 6:57

U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Juan 6:69

Maniwala kame niko sakay tukoy me a hiko u Banal a pinaangay he nu Diyos.”

Juan 8:42

Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Roma 9:5

U ninuno de hide ay pinile nu Diyos sakay u lahe de u ginábwatan ni Cristo nikuna a nagin tolay siya, u Diyos a makapangyariyan tu atanan sakay dapat a papuriyan a hanggan-hanggan! Amen.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,