Juan 10:16 - U Maganda A Baheta Ni Jesu-Cristo

¹⁶ Tehhodák palla a agum a tupa a awan ti kudaláy. Kailangan ko be hide a pasaddapan sakay sanigan de u boses ko. Tu konna hod ay magin essa dan hide a gurupo sakay te essa hide a pastol.

Juan 10:16 Σταυροειδείς Αναφορές

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Lukas 15:8

Kinagi pa ni Jesus, “Ni tehhod a sapulo a pilak u bábbey sakay nebut u essa, ánya wád i gimitán naay? Awan beman taban na u simbuwan sakay walisan na u bilay sakay pakaehyukán na hanggan ketan na itod?

Juan 10:11

Hikán u mabait sakay matapat a mággalaga a pastol U mabait sakay matapat a mággalaga ti tupa ay handa na a iyatád u biyag na para tu tupa hide.

Juan 10:2

Pero u maglakad tu pintuwan ay u pastol nu tupa hide.

Juan 10:27

Mágsaneg nikán u tupa ko hide. Tukoy ko hide sakay sumunud hide nikán.

Juan 10:3

Pasáddáppán siya nu mágbantay tu pintuwan, sakay tukoy nu tupa hide u boses na. Dulawan na hide tu bawat ngahan de sakay iluwas na hide tu kulungan de.

Juan 10:4

Ni meluwas na dán u tupa na hide ay mágdipalongo siya nide sakay umusoseg be u tupa hide dipo tukoy de u boses na.

Juan 10:5

Pero u iba a tolay ay awan de sunudán nan adeyuwan dipa iye, dipo awan de tukoy u boses na.”

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 17:20

U dasal ko ay bakán la a para nide, nan pate be tu maniwala hide nikán tu pamamag-itan nu pagtoldu de.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Gimet 15:14

Káttatapos la a impaliwanag ni Simon u purumero a pángdulaw nu Diyos tu Hentil hide tánni pate hide ay magin banuwan na.

Gimet 18:10

Pirmiyák mo a kakaguman kanya awan niko ti mangpasa-pasaket, sakay makpal u manampalataya nikán ti iye a banuwan.”

Gimet 22:14

Kinagi na pa a, ‘Pinile ka nu Diyos nu nuno tam hide tán matukuyan mo u kagustuwan na, tán ketan mo u Banal na a Tagapagserbi tánni masaneg mo u boses na.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

2 Tesalonica 2:13

Kákkapatkákka ko hide, lagi kame a magpasalamat tu Diyos dipo nikam a mahal nu Panginoon. Sakay dapat la a magpasalamat kame, dipo sapul pa tu sapul ay pinile kamon nu Diyos a maligtas tu pamamag-itan nu Banal a Ispirito a mangpabanal nikam, sakay tu pamamag-itan nu pánnampalataya moy tu Tatahoden.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

1 Pedro 2:10

Tu itod ay bakán kam palla a sakup nu Diyos pero nadid ay sakup na kamon. Awan nikam tu itod u kagbi nu Diyos, pero nadid ay hod dán nikam u kagbi na.

1 Pedro 2:25

Dipo kumán kam a tupa a nágketawtaw pero nadid ay inipun kamon a huway nu Diyos tu pamamag-itan ni Jesus a pastol tam a mággalaga tu kaliduwwa tam.

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

Pahayag 3:20

Tandaan moy, mágtaknággák tu luwas nu pintuwan a makán toktokán. Ni deya man u mangsaneg tu boses ko sakay bukasan na u pintuwan ay sumáddáppák tu bilay na sakay mággatubang kame a kuman.