Juan 1:45 - U Maganda A Baheta Ni Jesu-Cristo

⁴⁵ Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Juan 1:45 Σταυροειδείς Αναφορές

Mateo 10:3

ti Felipe sakay ti Bartolome, ti Tomas sakay ti Mateo a taga kolekta ti buwes, ti Santiago a anak ni Alfeo sakay ti Tadeo,

Mateo 13:55

Awan beman siya u anak nu karpintero? Awan beman u ina na ay ti Maria sakay u kákkapatkákka na a lállake ay di Santiago, Jose, Simon, sakay Judas?

Mateo 2:23

Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Mateo 21:11

“Ti Jesus, u propeta a taga Nazaret a Galilea,” tábbeg be nu kakpalan.

Markos 14:67

Nikuna a ketan na ti Pedro a magendu tu adene nu apoy ay minámmalas na siya sakay kinagi na, “Awan beman kaguman ka be ni Jesus a taga-Nazaret?”

Markos 6:3

Awan beman siya u karapintero a anak ni Maria, sakay wadi na di Santiago, Jose, Judas sakay ti Simon? Awan beman u wáwwadi na a bábbey ay hod he a mágyan?” Dipo ti itod ay umád de a maniwala nikuna sakay binadit-badit de siya.

Lukas 18:37

Kinagi de nikuna, “Magtaleb ti Jesus a taga-Nazaret.”

Lukas 2:4

Kanya ti Jose a mágyan ti Nazaret a banuwan ni Galilea ay immangay ti Judea, ti Betlehem u banuwan a neenakan ni hare a David, dipo gábwat siya tu lahe ni David.

Lukas 2:48

Nikuna ketan siya nu dáddakál na ay nagtaka be hide. Kinagi nena na, “Anin, anak ko, bakin a kinonna mo kami he? Grabi u balisa me ay tama mo a makán ehyukán niko.”

Lukas 24:27

Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Lukas 3:23

Tállo dán a pulo a taon ti Jesus nikuna magsapul a mangaral. Tu pangisip nu tolay hide a anak siya ni Jose a anak ni Eli,

Lukas 4:22

Pinure siya nu atanan a tolay sakay nagtaka hide dipo malalake siya a magupos. Kinagi de, “Awan beman ina u anak ni Jose?”

Juan 1:44

(Ti Felipe ay taga-Betsaida, a konna di Andres sakay ti Pedro.)

Juan 12:21

Immadene hide ni Felipe a taga-Betsaida, iye ay prubinsiya ni Galilea. Kinagi de nikuna, “Maisto, maare mi wád a mauhon ti Jesus?”

Juan 14:8

Kinagi ni Felipe nikuna, “Panginoon, ipeta mu ped nikame u Ama, tán tama dán nikame.”

Juan 18:5

Timmábbeg hide, “Ti Jesus a taga-Nazaret” Kinagi ni Jesus nide, “Hikán itod.” U mángtokyon ni Jesus a ti Judas ay kaguman hod.

Juan 18:7

Kanya nagtanung a huway ti Jesus, “Ti deya u ehyukán moy?” Timmábbeg hide a huway, “Ti Jesus a taga-Nazaret.”

Juan 19:19

Nagsulat be ti Pilato sakay impekáppát na tu kudus. U nedátton tu nepákkát ay, “Ti Jesus a taga-Nazaret u Hare nu Judio hide.”

Juan 21:2

Ti itod ay mamágkaguman di Simon Pedro, ti Tomas a Kambal, sakay ti Nataniel a taga-Cana tu prubinsiya ni Galilea, a anak hide ni Zebedeo, sakay tu duwwa pa a disepulus.

Juan 6:42

Kanya kinagi de, “Awan beman ti Jesus ay u anak ni Jose? Bakin a kagiyán na a immogsad siya a gábwat ti langet, tukoy tam labe u dáddakál na hide?”

Juan 6:5

Nikuna a natannaw ni Jesus u makpal a tolay a paadene nikuna ay tinanung na ti Felipe, “Hádya kitam a makabale ti makan para makakan i tolayan iye hide?”

Juan 6:7

Timmábbeg ti Felipe, “Ti káppal diye, maski u walo a bulan a suweldu nu essa a tolay u ibale tam ti makan ay awan sapat para ipakan maski ni tagsabadit u bawat essa.”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Gimet 22:8

Timmábbegák, ‘Deya ka, Panginoon?’ ‘Hikán ti Jesus a taga-Nazaret a páppahirapan mo.’ Kagi na.

Gimet 26:9

Akala ko be tu itod ay kailangan ko a gimitán u atanan a makaya ko kontara tu ngahan ni Jesus a taga-Nazaret.

Gimet 3:6

Pero kinagi nikuna ni Pedro, “Awanák ti pilak oni ginto. Pero tehhodák niko a iyatád: Tu ngahan ni Jesus a taga-Nazaret ay maglakad ka!”