Juan 1:12 - U Maganda A Baheta Ni Jesu-Cristo

¹² Pero u atanan a timmanggap sakay naniwala nikuna ay inatádden na hide ti karapatan a magin anak nu Diyos.

Juan 1:12 Σταυροειδείς Αναφορές

Mateo 10:40

Kinagi pa ni Jesus nide “Ni ti deya u mangtanggap nikam ay tinanggapák di be. Sakay u mangtanggap nikán ay tinanggap de u Ama a nangutus nikán.

Mateo 12:21

Siya u pag-asa nu atanan a tolay.”

Mateo 18:5

Sakay ni deya man a tumanggap tu essa a anak a kona he dipo bakán a hikán bale hikán u tinanggap na.”

Juan 1:11

Immangay siya tu sadile na a banuwan, pero awan siya tinanggap nu kalugaran na hide.

Juan 1:7

Pinaangay na ti Juan tu tolay hide, para ikagi na nide u ngángngahanan tam a demlag, para maniwala hide nikuna a atanan.

Juan 11:52

Sakay bakán la a tu bansa de, nan para tu atanan a anak nu Diyos a nekalat tu buu a mundu, para hide ay ipunán sakay pagessaán.

Juan 2:23

Nadid, tu Aldew nu Kasayaan nu Pagtaleb ti Jerusalem, makpal a simmampalataya ni Jesus nikuna ketan de u makataka-taka a ginimet na.

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 3:18

U maniwala nikuna ay awan mahatulan a maparusaan, pero u awan maniwala nikuna ay nahatulan dán, dipo siya ay awan maniwala tu kaessa-essa a Anak nu Diyos.

Gimet 3:16

U kapangyariyan nu ngahan ni Jesus u nangpapiyya ti tolayan iye a tukoy moy a lopog sapul pa tu kákkeenak na. U pánniwala na tu ngahan ni Jesus sakay u pánnampalataya na ni Jesus u tatahoden a nagpiyyaan na a konna ti ketan moye.

Roma 8:14

U atanan a igiya nu Ispirito nu Diyos ay anak hide nu Diyos.

Roma 8:16

U Banal a Ispirito sakay u ispirito tam ay pareho a mangpatunay a anak kitam nu Diyos.

Roma 8:19

Maski ni u buo a linalang hide nu Diyos ay gusto di dán a ipahayag nu Diyos u anak na hide.

Galacia 3:26

Dipo tu pánnampalataya moy ni Jesu-Cristo ay nagin anak kam a atanan nu Diyos.

Galacia 4:6

Sakay para mapatunayan a anak kam nu Diyos, ay pinaangay na u Ispirito nu Anak na tu puso tam hide, tánni makadulaw kitam tu Diyos a, “Ama, Ama ko!”

Colosas 2:6

Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.

1 Juan 3:10

Hed tam he a matukuyan ni deya u anak nu Diyos sakay ni deya u anak ni Satanas: Ni deya man u awan maggimet ti maganda sakay awan magmahal tu kapatkákka na ay bakán a anak nu Diyos.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

1 Juan 3:23

Sa iye u utus na: Maniwala kitam tu Anak na a ti Jesu-Cristo sakay magmahalan kitam konna tu inyutus nikitam ni Cristo.