Hebreo 1:9 - U Maganda A Baheta Ni Jesu-Cristo

⁹ Masaya ka tu maggimet ti maganda, pero u masássuwayán ay sasala mo. Kanya pinile ka nu Diyos a Diyos mo, sakay inatádden na ka ti kasayaan a higit tu kaguman mo hide.”

Hebreo 1:9 Σταυροειδείς Αναφορές

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Juan 1:41

Kanya tu kadimadimangan ay inehyok a agad ni Andres u kapatkákka na a ti Simon sakay kinagi na nikuna, “Netan me u Mesias.” (U gusto a kagiyán ni iye a upos ay Cristo.)

Juan 10:17

Mahalák nu Ama, dipo inyatád ko u biyag ko para nide, sakay káttapos ni iye ay mabiyagák a huway.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Juan 3:34

Dipo pinaangay he nu Diyos ti Cristo para magkagi nikitam tu upos nu Diyos, dipo siya u pinagkaluuben nu Diyos tu Ispirito na a awan ti kahád ti kapangyariyan.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 4:26

Nagkaessa u hare hide ti lutaáy, Sakay u pupuno hide para lumaban tu Panginoon sakay tu pinile na hide.’

Gimet 4:27

Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi.

Roma 12:9

Magmahalan kam a tehhod a katapatan. Kaiyamutan moy u madukás sakay palagi kam a maggimet ti maganda.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

1 Corinto 1:9

Matapat u Diyos a nangdulaw nikam tánni mákpagkaessa tu Anak na a ti Jesu-Cristo a Panginoon tam.

2 Corinto 11:31

Awanák magbule-bule. Tukoy ina nu Diyos sakay Ama nu Panginoon a ti Jesus. Puriyán u ngahan na a awan ti kahád.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Efeso 1:3

Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.

Filipos 2:9

Kanya inlangkaw siya nu Diyos tu kataasan sakay inyatád na nikuna u ngahan a higit tu atanan a ngahan.

Hebreo 2:11

Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Hebreo 2:9

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

Pahayag 2:15

Tehhod be a sangan nikam a umunonod tu toldu nu Nicolaita hide.