Gimet 9:26 - U Maganda A Baheta Ni Jesu-Cristo

²⁶ Káddemát na ti Jerusalem ay pinurbaan na a mákpisan tu disepulus hod hide. Pero manteng hide nikuna, dipo awan hide makapaniwala a essa dán siya a disepulus.

Gimet 9:26 Σταυροειδείς Αναφορές

Mateo 24:10

Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya.

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Gimet 4:23

Nikuna makaluwas dán di Pedro sakay ti Juan, ay immangay hide tu kakagumanan de hide sakay imbaheta de ni ánya u kinagi nu puno nu saserdote hide sakay u puno nu Judio hide.

Gimet 9:19

Kimman siya sakay bimmegsak a huway u bággi na. Nákpágyan ti Saulo tu mánnampalataya hide ti Damasco ti sangan a aldew.

Gimet 9:25

Kanya essa gibi ay inyasák siya nu disepulus na hide tu balulang sakay intostos de tu dilupot nu pader.

Galacia 2:4

Pero ti itod ay te nagware-ware a manampalataya hide a pimmurba a nángpilit tungkul tu págture. Nákpággagum hide nikame tán sidaán de u kalayaan a natanggap tam ni Cristo Jesus, tánni alipinan kitam a huway nu Kautusan.