Gimet 9:2 - U Maganda A Baheta Ni Jesu-Cristo

² sakay nák-aged siya ti sulat para tu sinagoga hide ti Damasco tánni madakáp u deya man a ketan na hod a kaguman tu mánnampalataya hide, lállake man oni bábbey sakay iyangay na hide ti Jerusalem.

Gimet 9:2 Σταυροειδείς Αναφορές

Mateo 10:17

Magingat kam dipo ikasu di kam sakay haplitán di kam tu sinagoga de hide.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Gimet 18:25

Natolduwan siya tungkul tu Dilan nu Panginoon Jesus sakay masipag siya a mangaral sakay itoldu na ti tama u tungkul ni Jesus. Pero u tukoy na la ay u intáttoldu hide ni Juan sakay u tungkul tu págbawtismo ni Juan.

Gimet 19:23

Ti itod labe a panahun ay nagkahod ti dakál a kaguluwan dipo tu Toldu nu Diyos tungkul tu kaligtasan a hod ni Cristo.

Gimet 19:9

Pero tehhod a sangan a awan summampalataya, maigát u págguluwan de sakay nagupos pa ti madukás kontara tu Toldu nu Diyos tungkul tu kaligtasan a hod ni Cristo tu atubang nu tolay hide. Kanya nilakaden ni Pablo u sinagoga sakay inkuyog na u mánnampalataya hide tu iskuwilaan ni Tirano sakay nagtulos-tulos siya a nagtoldu aldew-aldew.

Gimet 24:14

Pero aminán ko a sumássampalatayaák tu Diyos nu nuno me hide sigun tu intoldu ni Jesus a kákkagiyán de a liwat a rilihiyon. Pero maniwalaák be tu atanan nu nakasulat tu Kautusan ni Moises sakay tu atanan a insulat nu prupeta hide.

Gimet 24:22

Dipo tukoy dán ni gobernador Felix u tungkul tu Toldu ni Jesus, kanya impeimang na u pággimbistiga. Kinagi na, “Iyatád ko u hatul ko ti kasuwan iye káddemát ni Lisias.”

Gimet 26:10

Kanya konna hod u ginimet ko ti Jerusalem. Makpal a kristiyano u impepireso ko, dipo tu kapangyariyan a inyatád nikán nu puno nu saserdote hide. Sakay nikuna a hatulan u agum nide ti kamatayan ay essaák be a immayun nide.

Gimet 26:12

“Iye u dahilan ni bakin a immangayák ti Damasco a te kapangyariyan a inpakultad nu puno hide a saserdote.

Gimet 6:9

Nákpagtábbegan ti Esteban tu sangan a kaguman tu sinagoga nu Pinalaya hide, hide ay u Judio hide a taga-Cirene, taga-Alejandria, taga-Cecilia, sakay taga-Asia.

Gimet 7:19

Linoko sakay pinahirapan na u ninuno tam hide sakay inyutus na tu nuno tam hide a ibut de u anak de hide tán para matay.

Gimet 9:14

Sakay immangay siya ti Damasco wáy, a te karapatan a gábwat tu pupuno nu saserdote hide, para dakáppán u atanan a summampalataya niko.”

Gimet 9:21

Nagtaka u atanan a nakasaneg nikuna, kanya kinagi de, “Awan beman sa iye u date mágpapahirapán tu mánnampalataya hide ti Jerusalem? Sakay awan beman immangay la he tánni dakáppán hide sakay tawidán tu pupuno nu saserdote hide?”

2 Corinto 11:32

Nikuna hedák ti Damasco ay pinabantay nu gubernador a sakup ni Hare Aretas u pintuan nu banuwan tánni ipadakáppák na.

Galacia 1:17

Oni immangay ti Jerusalem tánni mákkapospos tu apostol hide a nedipalongo nikán. Nan immangayák ti Arabia sakay káttapos ay nagsoliyák ti Damasco.