Gimet 8:7 - U Maganda A Baheta Ni Jesu-Cristo

⁷ Maski u mágkadukás hide a Ispirito ay lummakad tu tolay hide a hinayup, sakay makán pakhawán a paluwas. Sakay makpal a lopog sakay pilay u nagpiyya.

Gimet 8:7 Σταυροειδείς Αναφορές

Mateo 10:1

Pinauwet ni Jesus u sapulo ay ti duwwa a disepulus na sakay inatádden na hide ti kapangyariyan a magpalayas ti madukás a ispirito. Inatádden na be hide ti kapangyariyan a magpapiyya tu atanan a sakisaket.

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Markos 9:26

Tu pákkakagi hod ni Jesus ay pimmákhaw u madukás a ispirito, sakay pinagpágpág na u anak ti mahigpit, sakay immibut. U anak ay kumán dán a bangkay u idsura na, akala nu tolay hide ay natay dán!

Lukas 10:17

Káttapos ni pangyayariyan iye ay nagsole a tuna't saya u pitto a pulo ay ti duwwa a disepulus. Kinagi de, “Panginoon, maski u demonyo hide ay summunud nikame ni utusan mi hide tu ngahan mo.”

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Gimet 5:16

Sakay dimmemát be u makpal a tolay a gábwat tu iba-iba a banuwan a adene ti Jerusalem, tawed de u te saket hide sakay tu hinayup hide; kaya nagpiyya hide a atanan.

Gimet 8:6

Nikuna masaneg nu tolay hod hide u toldu ni Felipe sakay netan de u makataka-taka hide a ginimet na ay pinakasaneg de ti mapiyya u atanan a kákkagiyán na.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.