Gimet 8:3 - U Maganda A Baheta Ni Jesu-Cristo

³ Pero tu pagkagusto ni Saulo a sidaán u mánnampalataya hide ay sináddáp na u bila-bilay sakay dinakap na u mánnampalataya hide sakay inkulung na, bábbey man oni lállake.

Gimet 8:3 Σταυροειδείς Αναφορές

Gimet 16:19

Nikuna ketan nu amo na hide a nawanan dán hide ti pagkakitaan ay intoglad de ti Pablo sakay ti Silas sakay inyangay de hide tu matolay a lugar para iyatubang tu pinuno hide nu banuwan.

Gimet 22:19

Pero kinagi ko, ‘Panginoon, tukoy de a balang sinagoga ay sáddappán ko tu itod tánni ipepireso sakay ipabálbág ko u mánnampalataya hide.

Gimet 7:58

Binehbeh de ti Esteban hanggan tu luwas nu banuwan para batikalán. He di hod siya a binábbatikal hanggan a matay. U tolay hide a nangtistigu ay inuba de u damit de sakay inyatád de ni Saulo.

Gimet 8:2

Inlábbáng nu mánnampalataya hide u bangkay ni Esteban sakay sinangitan de ti husto.

Gimet 9:21

Nagtaka u atanan a nakasaneg nikuna, kanya kinagi de, “Awan beman sa iye u date mágpapahirapán tu mánnampalataya hide ti Jerusalem? Sakay awan beman immangay la he tánni dakáppán hide sakay tawidán tu pupuno nu saserdote hide?”

1 Corinto 15:9

Dipo hikán u pinakamababa tu atanan a apostol; awanák karapat-dapat a madulawan a apostol, dipo pináppahirapan ko u mánnampalataya hide.

Galacia 1:13

Tukoy moy labe u date ko a kákkabiyag tu relihiyon nu Judio hide. Pinahirapan ko ti husto u mánnampalataya hide tu Diyos sakay sinikap ko hide a sidaan a atanan.

Filipos 3:6

Dipo ngane tu kássunud ko tu Kautusan ay pináppahirapan ko u mánnampalataya hide tu itod. Kaya ni tungkul tu pagkamatuwid ayun tu Kautusan ay awan kam ti makagi nikán.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

Santiagu 2:6

Pero bakin a imemenos moy la u mágkahirap hide? Awan beman u mágkayaman hide u mangape-ape nikam sakay mángkaso nikam?