Gimet 7:8 - U Maganda A Baheta Ni Jesu-Cristo

⁸ Sakay inyutus nu Diyos ni Abraham u págture bilang tanda nu kasunduwan na. Kanya nikuna meenak ti Isaac ay tinure na siya tu kawalo a aldew. Konna bi he ginimitay ni Isaac tu anak na a ti Jacob, sakay iye be u ginimet ni Jacob tu sapulo ay ti duwwa na a anak a lállake, a nagin ama nu sapulo ay ti duwwa a lahe.

Gimet 7:8 Σταυροειδείς Αναφορές

Mateo 1:2

Ti Abraham i amaay ni Isaac sakay ti Isaac be i amaay ni Jacob. Ti Jacob be u ama ni Juda sakay tu kákkapatkákka na hide a lállake.

Juan 7:22

Awan beman inyatád nikam ni Moises u utus tungkul tu págture. (Bakán iye a gábwat ni Moises nan tu ninuno moy hide.) Sakay dipo ti iye ay turiyán moy u anak maski Aldew ni Káimang.

Gimet 2:29

Kákkapatkákka ko hide, maliwanag a bakán a ti David u kákkagiyán ko he, dipo u nuno tam a ti David ay natay dán sakay nelábbáng dán, sakay hanggan nadid ay tukoy tam ni hádya siya a nelábbáng.

Roma 4:10

Nikan beman siya a nebilang a matuwid? Awan beman nikuna a awan palla siya nature?

Galacia 3:15

Kákkapatkákka ko hide, iye u karaniwan a halimbawa. Ni napirmaan dán u essa a kasunduwan ay awan dán iye maare a mabagu nu maskin deya. Sakay awan dán be iye maare a dagdagan.

Galacia 3:17

Sa iye u gusto ko a kagiyán: pinatatag nu Diyos u kasunduwan na ni Abraham sakay inpananto na a tupadán itod. Kaya i kasunduwanan itod ay awan maare a pawanan ti bisa nu Kautusan a dimmemát la kállipas nu áppat a datos ay ti tállo a pulo a taon. Nadid, itod a Kautusan ay awan maare a mangbagu tu inpananto nu Diyos.

Hebreo 7:4

Ina u paketaan ni sakodya ti kadakila ti Melquisedek! Inyatád nikuna ni Abraham a pinakaama nu lahe tam u ikapo nu naalap na tu gera.