Gimet 6:3 - U Maganda A Baheta Ni Jesu-Cristo

³ Kanya kákkapatkákka ko hide, mangpile kam tu kaguman moy hide ti pitto a lállake a kilala tu pággimet ti maganda, mágkalalake sakay págdipalonguwan nu Banal a Ispirito, para idátton me hide ti iye a tungkulin.

Gimet 6:3 Σταυροειδείς Αναφορές

Mateo 23:8

Pero hikam ay dyan kam padulaw a maisto dipo essa la u Maisto moy sakay hikam a atanan ay matkaka.

Juan 21:23

Dipo ti iye ay kimmalat u baheta a awan mata-matay iye a disepulus. Pero awan kinagi ni Jesus a awan siya matay. U kinagi nala ay, “Ni gusto ko siya a mabiyag hanggan tu kássole ko, ay maánya beman niko?”

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 1:21

Kanya dapat kitam a mangpile ti essa a makaguman tam bilang kapalit ni Judas. Dapat essa siya tu nakaguman tam hide a nagserbi tu Panginoon Jesus nikuna katoy padla siya ti munduwáy, sapul nikuna binawtismuwan siya ni Juan hanggan tu káangay na ti langet.”

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 15:23

Impatawed de u sulat a konna he: “Hikame a apostol hide sakay pupuno hide ay mangumusta tu kákkapatkákka tam a Hentil ti Antioquia, ti Siria sakay ti Cilicia.

Gimet 16:2

Igággalang nu atanan a mánnampalataya a taga-Listra sakay taga-Iconio ti Timoteo.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Gimet 22:12

Nadid tehhod a essa a lállake ti Damasco, u ngahan na ay ti Ananias. Tehhod a ánteng tu Diyos, sumássunud tu Kautusan, sakay igággalang nu Judio hide a mámmágyan hod.

Gimet 28:14

Tehhod kame hod a netan a kákkapátkákka ti pánnampalataya, inakit dikame a mágyan pala hod ti sasimba. Sapul ti Puteoli ay nagtulos kame dán ti Roma.

Gimet 6:2

Kanya inipun de ti sapulo ay ti duwwa u atanan nu mánnampalataya hide sakay kinagi de nikuna, “Awan me dapat a pabayan u pángngaral me tu Upos nu Diyos para mangasiwa tu pángngatád tu pang aldew-aldew a kabiyagen.

Gimet 6:5

Nasaya u atanan nu katolayan tu plano nu apostol hide; kanya pinile de ti Esteban, essa a lállake a matatag ti pánnampalataya tu Diyos sakay pinágdipalonguwan nu Banal a Ispirito. Pinile dibe ti Felipe, Procoro, Nicanor, Timon, Parmenas, sakay ti Nicolas a taga-Antioquia, essa siya a Hentil a naakit tu pánnampalataya nu Judio hide.

Gimet 6:6

Nikuna a inyatubang de hide tu apostol hide; ay impagdasal de sakay intupo de u kamát de nide.

Gimet 9:30

Kanya nikuna matukuyan iye nu kákkapátkákka hide a mánnampalataya ay inyangay de ti Saulo ti Cesarea sakay pinasole de ti Tarso.

1 Corinto 12:8

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito.

1 Corinto 16:3

Káddemát ko hina ay paangayán ko ti Jerusalem u tolay hide a napili moy a mangtawed tu tulung moy sakay manggimiták be ti sulat para ipakilala hide tu mánnampalataya hide ti Jerusalem.

Efeso 5:18

Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Santiagu 1:17

Atanan a mágkaganda a bagay ay inyatád nu Diyos a nanggimet tu aldew, bulan, biton ay tu langet. Sakay maskin magbagu iye a atanan ay awan siya magbabagu nikitam maskin nikan.

3 Juan 1:12

Maganda u kinagi nu kakpalan tungkul ni Demetrio sakay ketan tu matuwid na a kákkabiyag. Ina be u kákkagiyán me sakay tukoy mo a tatahoden iye.