Gimet 4:1 - U Maganda A Baheta Ni Jesu-Cristo

¹ Nadid, mentaras magupos palla di Pedro sakay ti Juan tu tolay hide ay inadeniyan hide nu saserdote hide, u kapitan nu guwardiya hide tu templo, sakay u Saduseo hide.

Gimet 4:1 Σταυροειδείς Αναφορές

Mateo 16:12

Sakay naintendiyan di dán a magingat bál hide tu adal nu Pariseo hide sakay Saduseo bakán a págpaalsa.

Mateo 22:16

Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Mateo 27:20

Pero bago nangyare u págpapili ni Pilato ay sinulsulan dán nu pupuno hide nu saserdote sakay nu pinuno nu banuwan u tolay hide a kagiyán de ni Pilato a ti Barrabas u palayaán sakay ti Jesus ay bunuwan.

Mateo 27:41

Sinesti be siya nu pupuno hide nu saserdote, nu maisto hide nu Kautusan ni Moises sakay nu pinuno nu banuwan. Kinagi de,

Mateo 3:7

Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos?

Lukas 20:1

Nadid, essa aldew mentaras a magtoldu ti Jesus tu templo sakay mangaral tu Maganda a Baheta, inadeniyan siya nu puno nu saserdote hide sakay u maisto hide nu kautusan sakay u puno hide nu banuwan.

Lukas 22:4

Kanya lummakad siya sakay immangay tu puno nu saserdote hide sakay tu puno nu mágbantay hide tu templo para págguhunan de ni kodya na a metokyon ti Jesus nide.

Juan 15:20

Diyan moy kalimunan u kinagi ko nikam a awan ti alipin a mas higit tu amo na. Ni dinustaák de ay dustaán dikam be. Sakay ni sinunud de u upos ko ay sunudán di be u kagiyán moy.

Juan 18:3

Kanya immangay hod ti Judas, kaguman na u makpal a sundalo a Romano sakay u guwardiya hide tu templo a pinaangay hod nu puno nu Saserdote hide sakay Pariseo. Tehhod hide a tawed a simbuwan sakay te mga armas hide.

Gimet 4:6

Kaguman bi hod ti Anas a pinakapuno a saserdote, sakay ti Caifas, ti Juan, ti Alejandro, sakay tu agum pa hide a miyembro nu pamilya ni Anas.

Gimet 5:17

Pero u pinakapuno nu saserdote hide sakay u sakup na hide a Saduseo ay tunay u pánnaghile de kanya namágkaessa hide a pahirapan de hide.

Gimet 5:24

Nadid tunay u balisa nu puno nu saserdote hide sakay u kapitan nu guwardiya hide tu templo nikuna mabaheta de iye, sakay awan de sukat a maisip ni ánya u nangyare tu apostol hide.

Gimet 5:26

Kanya immangay u puno nu guwardiya hide tu templo, kaguman na u sundalo na hide. Ingkuyog de u apostol hide, pero awan de hide pinuwersa dipo manteng hide a budasán hide nu tolay hide.

Gimet 6:12

Iye u ginimet de tánni masulsulan de a magiyamut u tolay hide ni Esteban, u ama-amaan hide nu lahe hide sakay tu lahe hide ni Israel. Sinunggaben de siya sakay inyatubang tu Sanedrin.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.