Gimet 2:10 - U Maganda A Baheta Ni Jesu-Cristo

¹⁰ Tehhod pa nikitam a taga-Frigia sakay Panfilla, Egipto sakay u lugar hide a sakup ni Libia a adene ti Cirene. Katoy bihod u taga-Roma hide u Judio sakay u naakit hide tu rilihiyon de.

Gimet 2:10 Σταυροειδείς Αναφορές

Mateo 2:15

Sakay nágyan hide hod hanggan natay ti Herodes. Nangyari iye para matupad u impekagi nu Panginoon tu propeta na tu itod pa a “Dinulawan ko u anak ko a lumakad ti Egipto”.

Mateo 23:15

Kakagbi kam a talaga, maisto hide nu Kautusan ni Moises sakay Pariseo hide! Mapagkunware kam! Ahabisan moy u diget sakay angayan u iba a bansa, makaakit kam la ti essa a awan maniwala tu relihiyon moy. Sakay ni maakit moy dán ay ginimet moy pa a mas madukás nan nikam. Kanya nagin doble u dahilan para siya ay parusaan ti impiyerno.

Mateo 27:32

Kálluwas de tu banuwan, netan de u essa a lállake a nginahanan a Simon, essa a taga-Cirene. Pinilit de ipabaklay nikuna u kudus ni Jesus.

Markos 15:21

Mentaras a maglakad hide ay natagbu de ti Simon a taga-Cirene a ama di Alejandro ay ti Rufo, gábwat siya tu uma na. Pilit de a impabáklay nikuna u kudus ni Jesus.

Gimet 11:20

Pero u iba tu mánnampalatay hide a taga-Chipre sakay taga-Cirene, a immangay ti Antioquia sakay nangaral be tu Griego hide tu Maganda Baheta tungkul tu Panginoon a ti Jesu-Cristo.

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Gimet 13:13

Nadid, limmakad di Pablo sakay tu kaguman na hide ti Pafos, sakay bimmiyahe hide a paangay ti Perga a sakup ni Panfilia. Kaddemat di hod ay himmiwalay nide ti Juan, a ngángngahanan a Markos, sakay nagsole ti Jerusalem.

Gimet 13:43

Káttapos nu pamággipun-ipun ay immunonod di Pablo sakay ti Bernabe u mákpal a Judio sakay u bakán hide a Judio a nák-agum tu rilihiyon nu Judio hide. Kinauhon hide nu apostol hide sakay pinayuwan a itulos-tulos di la a magtiwala tu kabaitan nu Diyos.

Gimet 14:24

Nadid nalebut di dán u lugar a Pisidia hanggan nakademát hide tu lugar a Panfilia.

Gimet 15:38

Pero umád ni Pablo a kuyugán ti Markos dipo awan siya nákpagtulos-tulos tu tarabaho de ni awan nákhiwalay nide ti Panfilia.

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Gimet 17:21

Dipo awan dán ti agum a gággimitán u taga-Atenas hide sakay u dayo hide a mámmágyan hod nan mamágguhon sakay mágsaneg tungkul tu bigu hide a toldu.

Gimet 18:2

Nakilala na hod ti Aquila, essa a Judio a taga-Ponto. Káddedemát na la a gábwat ti Italia kaguman u kabanga na a ti Priscila. Lummakad hide hod dipo pinalakad ni emperador a Claudio u atanan a Judio ti Roma. Immangay ti Pablo tu bilay de,

Gimet 18:23

Nágyan hod siya ti sangan a aldew sakay káttapos ay naghektat dámman siya. Linebut na u atanan a lugar a sakup ni Galacia sakay ti Frigia, sakay pinabegsák na u pánnampalataya nu atanan a mánnampalataya hod.

Gimet 2:11

Sakay u agum ay gábwat ti Creta sakay ti Arabia. Pero masássaneg tam hide a magupos tu upos tam tungkul tu makataka-taka hide a ginimet nu Diyos!”

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”

Gimet 27:5

Nagtaleb kame tu tapat nu Cilicia sakay ti Pamfilia, sakay nakademát kame ti Mira, essa a banuwan nu Licia.

Gimet 28:15

Nikuna a mabaheta nu kákkapátkakka hide ti pánnampalataya ti Roma u tungkul nikame ay immangay hide tu Tindaan de Apio, sakay u agum ay hod tu Tállo a bilay a áupaan tanni tagbuwan di kame hod. Nikuna ketan ni Pablo u kákkapátkakka hide ay nagpasalamat siya tu Diyos sakay bimmegsák u isip na.

Gimet 6:5

Nasaya u atanan nu katolayan tu plano nu apostol hide; kanya pinile de ti Esteban, essa a lállake a matatag ti pánnampalataya tu Diyos sakay pinágdipalonguwan nu Banal a Ispirito. Pinile dibe ti Felipe, Procoro, Nicanor, Timon, Parmenas, sakay ti Nicolas a taga-Antioquia, essa siya a Hentil a naakit tu pánnampalataya nu Judio hide.

Gimet 6:9

Nákpagtábbegan ti Esteban tu sangan a kaguman tu sinagoga nu Pinalaya hide, hide ay u Judio hide a taga-Cirene, taga-Alejandria, taga-Cecilia, sakay taga-Asia.

Roma 1:15

Sa ina u dahilan ni bakin gugusto ko a ipangaral be hina ti Roma u Maganda a Baheta.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

2 Timoteo 1:17

U tatahoden, tu káddemát na ti Roma ay piliták na a inehyok hanggan a netanak na.

Pahayag 11:8

U bangkay de hide ay kapayad-payad tu karsada nu tanyag a banuwan a nepakuwan nu Panginoon de tu itod. Ngángngahanan de iye a Sodoma sakay Egipto pero bakan iye u tatahoden a ngahan na.