Gimet 2:1 - U Maganda A Baheta Ni Jesu-Cristo

¹ Nikuna dumemát u aldew nu Penticostes ay nagipun-ipun tu essa a lugar u atanan nu mánnampalataya hide.

Gimet 2:1 Σταυροειδείς Αναφορές

Gimet 1:5

Nagbawtismo ngane ti Juan tu dinom, pero awan magmalay ay mabawtismuwan kam be tu Banal a Ispirito.”

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 20:16

Nagdisisyon ti Pablo a awan dán humoyot ti Efeso tánni awan dán siya maabala ti Asia. Dipo gusto na a ni maare ay hedán siya ti Jerusalem tu aldew nu Pentecostes.

Gimet 4:24

Pákkasaneg hod nu mánnampalataya hide ay nagkaessa hide a nagdasal, “Panginoon, hiko u nanglalang tu langet, tu luta, tu diget sakay tu atanan a bagay a katoy hod.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

Gimet 5:12

Nadid, makpal a ginimet u apostol hide a makataka-taka a bagay a netan nu tolay hide. Atanan nu mánnampalataya hide ay napisan-pisan tu Sássiduman ni Solomon.

Roma 15:6

Tánni konna hod ay pisan-pisan kam a magpure tu Diyos sakay Ama nu Panginoon tam a ti Jesu-Cristo.

1 Corinto 16:8

Pero plano ko a mágyan he ti Efeso wáy hanggan tu Pentecostes.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

Filipos 2:2

dapat ay magkahod kam ti essa a pággisipan, sakay magmahalan kam tu balang essa sakay magkaessa kam ti essa a layunin. Ni konna hod ay magin ganap i kasayaan kuwáy dipo nikam.